اسلام آباد۔ 09 جون (اے پی پی) وزیراعظم شہباز شریف تینا جان نا پرواہ ءِ کپرسا ہزار آ جون تے بچفوک آ تیل انا ٹینکی ڈیور فیصل ءِ خراج تحسین پیش کرسا پارینے کہ دا عمل نا اخس ہم پذیرائی ءِ کننگے کم ءِ۔ وزیراعظم آفس نامیڈیا ونگ آن پنچ شنبے نادے آ جاری بیان نا رداٹ وزیراعظم شہباز شریف نا پارت آ اسٹریٹجک ریفارمز نا سروک سلمان صوفی بلوچستان اٹی تینا جان ءِ گہیو تخسا لاتعداد زند آتے بچفوک آ تیل انا ٹینکی ڈیور فیصل ءِ ٹیل فون کرے و وزیراعظم نا کنڈآن خراج تحسین پیش کرے۔ وزیراعظم پارے کہ فیصل نا دا جوزہ ءِ سلام پیش کینہ۔ وزیراعظم پارت کرے کہ تیل انا ٹینکی نا ڈیور ءِ اسلام آباد آ بٹنگسا انعام تننگے۔
