اسلام آباد۔ 09 جون (اے پی پی) وزیراعظم شہباز شریف ءِ ملک اٹی بجلی نا طلب و کھپت نا تازہ انگا حالیت آتیا حوال تننگا۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم ءِ وزارت توانائی نا کمامدارآک ملک اٹی لوڈشیڈنگ نا تازہ انگا حالیت آتیان معلومدار کریر۔ وزیراعظم ملک اٹی بجلی نا طلب و کھپت نا تازہ انگا حساب وکتاب ءِ معلوم کرے و چندی فیڈر آتیا بجلی نا فراوانی نا حالیت آتا اَریفے۔ وزیراعظم پارے کہ لوڈشیڈنگ نا چٹفنگ کن اواری اٹ کاریم کروئی ءِ، الس نا مشکل آک بایدے کم مریر۔
