اسلام آباد۔ 09 جون (اے پی پی) وزیر مملکت کانود و انصاف سینیٹر شہادت اعوان پارینے کہ چیئرمین نیب بے کنڈ ہلوک، باکڑدار، اہل و آجو مریک و دا عہدہ غا قائد ایوان و قائد حزب اختلاف ناسلابت اٹ تقرری کننگک۔ پنچ شنبے نادے آ بڑزکو ایوان نا وقفہ سوج آتا سینیٹر مشتاق احمد، سینیٹر سلیم مانڈوی والا و سینیٹر رخسانہ زبیری نا سوج آتا ورندی ٹی وزیر مملکت کانود و انصاف پارے کہ پوسکن آ چیئرمین نیب پورو وڑاٹ بے کنڈہلوک مریک ، چیئرمین نیب انا تقرری نا وڑوڈول ساڑی ءِ ، قائد حزب اختلاف و قائد ایوان نا سلابت اٹ تقرری کننگک۔ اوپارے کہ بھلا دُز نیب انا دنگ اٹ بریک، جبہ، خیبربینک، بلین ٹری و رنگ روڈ کون آڈٹ آتیٹی ڈٹ آتا بابت جاست وپاست ءِ ایسر اسکان سرکننگک و خزانہ ءِ نسخان تروک آتا برخلاف کارروائی کننگک، نیب اٹ غلط تقرری تا چھان بین ءِ کننگک۔
