وزیراعلیٰ خاخر لگوک آ تیل انا ٹینکی ءِ آبادی آن مُر دروک آ ڈیور کن 5 لکھ روپئی انعام نا پڑو کرے

کوئٹہ۔ 09 جون (اے پی پی) وزیراعلیٰ بلوچستان میر عبدالقدوس بزنجو خاخر لگنگ نا گواچی تیل انا ٹینکی ءِ آبادی آن مر دروک آ تیل انا ٹینکی نا ڈیور کن 5 لکھ روپئی بطور انعام تننگ نا پڑو کرینے۔ وزیراعلیٰ سیکرٹریٹ آن جاری کروک بیان اٹی پاننگانے کہ وزیراعلیٰ ٹینکی ڈیور فیصل نا جیرت و نرزوری ءِ خراج تحسین پیش کیک۔ ٹینکی ڈیور تینا زند ءِ خطرہ ٹی شاغسا مخلوق نا جان تے رکھ کرے ہراکہ ستاکڑزک و او بلاشبہ انعام نا حقدار ءِ۔ داگام آن بھاز انگا بندغ آتا است بڈی مریک۔