کوئٹہ۔ 09 جون (اے پی پی ) بلوچستان نا ضلع دکی نا الیکشن کمشنر صادق مندوخیل پارینے کہ گچین کاری لڑ تا معائنہ کن 29 ڈسپلے سینٹر جوڑ کننگانے ہرا 19 جون اسکان ملوک مریرہ ۔ داخیال آتا درشانی ءِ او الیکشن کمشنر شیرانی نا دفتر اٹی صحافی تتون گپ وتران کرسا کرے۔ اوپارے کہ بروک آ لس گچین کاری تیٹی کاریم اٹ اتوک آ گچین کاری لڑتے الس نا معائنہ کن ضلع دکی ٹی جوڑ کروک 29 ڈسپلے سینٹر آتیٹی تخنگانے، ڈسپلے سینٹر 19 جون آن ملنگرہ ہراڑے الس گچین کاری لڑتیٹی اندراج، اخراج درستگی یا شناختی کارڈ آ نوشتہ ڈس و نشان آ تینا وونٹ ءِ گدریفنگ کیرہ۔ اوراجی تنظیم تیان خواست کرے کہ الس اسکان الیکشن کمیشن نا کلہو ءِ سرکننگ اٹ کمک کیر تانکہ ردینک آتیان پاک و شفاف گچین کاری لڑتا تیاری ءِ پک کننگ تون دا ہیت ءِ ہم پک کننگے کہ اسہ ہم اہل شاری اس وونٹ انا اندراج و کاریم اٹ اتنگ آن محروم سلپ۔ اوپارے کہ دا بابت پین راہشونی کن ڈسٹرکٹ الیکشن کمشنر ضلع دکی نا دفتر تون رابطہ کننگ مریک۔
