کوئٹہ۔ 09 جون (اے پی پی) ضلع شیرانی نا جنگل آتیٹی خاخر آن مروک آ نسخان تا کساس و جنگل آتا بحالی نا بابت سول سیکرٹریٹ کوئٹہ ٹی دیوان اس اڈتننگا۔ دیوان اٹی داتم اسکان نا سرجز و گام گیج آتا بارواٹ سرجم حوال تننگا۔ اقوام متحدہ نا ذیلی ادارہ ایف اے او نا نمائندہ پارے کہ جہانی و ہندی کنسلٹنٹ آتا ٹی او آرز آخیریکو ریسہ ٹی ءِ و جولائی 2022 نا ارٹ میکو ہفتہ ٹی کنسلٹنٹ آن بورڈ مریرہ۔ دیوان ءِ داہم پاننگاکہ سپارکو پاکستان آن زہمی علاقہ نا زوت آن زوت جاچ ءِ ہلنگ نا خواست کننگانے۔ بلوچستان آن بیدس نسخان تا کساس ءِ خلنگ کن اسہ عبوری ٹیم اس ہم ٹہیفنگانے۔ نمائندہ پارے کہ جی ای ایف چلغوزہ پروجیکٹ نا رداٹ، او مہالو آن چلغوزہ فاریسٹ ملٹی فنکشنل مینجمنٹ پلاس اس مرتب کرینے ولے بھلا خاخر نا سوب آن نسخان تا جوان تشخیص و بحالی نا گرج ءِ۔ چیف سیکرٹری دیوان نا کماشی ءِ کرسا پارے کہ جہانی تنظیم تا صوبہ نا شونداری کن چندی شونداری ڈٹ آتیا کاریم کننگ ستاکڑزک و آخبت ہم ہنداوڑ جہانی تنظیم آتیان کمکاری نا گرج مریک۔ دیوان اٹی سیکرٹری جنگلات دوستین جمالدینی، ایف اے او نا صوبائی سروک لید مہدی، ایڈوائزر ایف اے او ڈاکٹر فضل باری، پراونشنل کوآرڈنیٹر چلغوزہ پروجیکٹ محمد یحییٰ موسیٰ خیل و پروجیکٹ ڈائریکٹر آئی او بی بی ٹی پی عملی عمران ئسک ہم ساڑی ئسر۔
