اسلام آباد۔8جون (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ پی ٹی وی فلم ڈویژن ءُ پاک فلکس پراجیکٹ ءِ مراگش ءِ بنگیج کت، پی ٹی وی فلم ڈویژن ءِ مول ءُ مراد ورنا آناں فلم جوڑی کنگ ءِ پڑ ءَ شوک ءِ گیشی کنت انت، پاک فلکس پراجیکٹ ءَ پی ٹی وی ءِ مواد آناں آن لائن کنگ بیت۔ پی ٹی وی فلم ڈویژن ءِ بنگیجی مراگش ءَ گوں گشتانک دیان ءَ بنجاھی وزیر اھوالکاری ءَ گوشت کہ 2017 ءَ پی ٹی وی فلم ڈویژن ءِ سر ئَ کار بندات کتگ بوتگ، 2018 ءَ کابینہ ءِ منظوری ءَ چہ پاکستان ءِ اولی فلم پالیشی ءِ بنگیج کتگ۔ آئی ءَ گوشت کہ پاکستان ءِ جوڑیشت ءِ 70 سال سرجم بوھگ ءِ پد ءَ جمال شاہ ءَ پاکستان ءِ اولی کلچر پالیسی تیار کتگ بوتگ۔ بنجاھی وزیر اھوالکاری ءَ گوشت کہ بد بھتی ءَ چہ ملک ءَ فلم ءَ را انڈسٹری ءِ درجگ نہ رستگ۔ 2018 ءَ ما ناں ایوک ءَ فلم پالیسی جوڑ کتگ بلکینگ ءَ اولی رند ءَ فلم ، کلچر سیکٹر ءُ توامیں اسٹیک ہولڈرز آناں ایشی تہ ءَ ھوار کنان ءَ یک ٹوھیں رھبند ءُ فلم انڈسٹری ءَ را صنعت ءِ درجگ داتگ۔ آئی ءَ گوشت کہ اولی فلم پالیسی ءَ فلم انڈسٹری ءِ سر ءَ جوانیں ءَ کار نہ بوتگ۔ بجٹ ءَ چہ پد مزن وزیر فلم ءُ سیل ءُ سواد ءِ ھوالگ ءَ کانفرنس ءِ گوانک جنت۔ آئی ءَ گوشت کہ فلم سیل ءُ سواد ءَ را دیمروئی دیگ ءِ ارزشتی ایں وسیلگ ات۔ پی ٹی وی فلم ڈویژن ءِ ااولی مول ءُ مراد ھمیش انت کہ آ سیل ءُ سواد ءَ را دیمروئی بدینت۔ ایشی ءَ چہ پیسر بنجاھی وزیر اھولکاری ءَ بٹ جت ءُ پی ٹی وتی فلم ءِ بنگیج کت۔ اے موہ ءِ سر ءَ سیکرٹری اھوالکاری شاہیرہ شاہد، ایم ڈی پی ٹی وی، کلانہ ایں ازمکار جمال شاہ، لیلیٰ زبیری ءُ وزارت ءِ اھوالکاری ءِ ٹوھیں کارندہ ھم ساڑی اتنت۔
