وزیراعلیٰ بلوچستان نا قلعہ سیف اللہ نا خڑک ٹریفک شکست اٹی نہادی جان تا زیان آ است ہسونی نا درشان

کوئٹہ۔ 08 جون (اے پی پی) وزیراعلیٰ بلوچستان میر عبدالقدوس بزنجو نا قلعہ سیف اللہ نا خڑک ٹریفک شکست اٹ نہادی جان تا زیان آ است ہسونی نا درشانی ءِ کرے۔ وزیراعلیٰ ضلعی انتظامیہ ءِ شکست نا جاگہ غا ایمرجنسی نافذ کرسا کمکی سرجز آتا بناءِ کننگ نا پارت کرینے۔ اوپارت کرسا پارے کہ ہسپتال آتیٹی ایمرجنسی نافذ کرسا ٹھپی مروک آتے درمان نا گچین آسراتی فراوان کننگے و ٹھپی مروک آتا ہرممکن خیالداری و زیات ٹھپی مروک آتے کوئٹہ غا گدریفنگے۔ وزیراعلیٰ زوال کروک آتا خاہوت آتون ہڑزخواہی و ہمدردی نا درشانی ءِ کرسا دعا کرے کہ اللہ تعالیٰ ایماندار تا بخشش وخاہوت ءِ صبر و جمیل عطاکے۔