چیئرمین سینیٹ نا قلعہ سیف اللہ ٹی وین شکست اٹی نہادی جان تا زیان آ است ہسونی نا درشان

اسلام آباد۔ 08 جون (اے پی پی) چیئرمین سینیٹ محمد صادق سنجرانی قلعہ سیف اللہ نا علاقہ اخترزئی نا ہند آ مسافر وین ءِ پیش بروک آ شکست نا نتیجہ ٹی نہادی جان تا زیان آ است ہسونی نا درشانی ءِ کرینے۔ سینیٹ سیکرٹریٹ نا رداٹ چیئرمین سینیٹ پارے کہ زوال کروک آ بندغ آتا خاہوت نا غم اٹی بریبر نا شریک اُن۔ چیئرمین سینیٹ اللہ تعالیٰ آن زوال کروک بندغ آتیکن بخشش، درجہ غاتا بڑزی و خاہوت کن صبر وجمیل نا دعا کرے۔ چیئرمین سینیٹ مسافر وین نا شکست نا نتیجہ ٹی ٹھپی مروک آتا زوت دراخ جوڑی کن دعاہم کرے۔ ڈپٹی چیئرمین سینیٹ مرزامحمد آفریدی ہم تینا جتا کلہو اسے ٹی مسافر وین نا شکست آ ڈکھیائی و است ہسونی نا درشانی ءِ کرسا زوال کروک آ بندغ آتا خاہوت تون ہڑزخواہی نا درشانی ءِ کرینے۔