وزیراعظم شہباز شریف نا سیکٹر H-12نا جنگل اٹی لگوک آ خاخر نا مون ءِ توننگ کن ہلہلہ ئی گام گیج آتا پارت

اسلام آباد۔ 07 جون (اے پی پی) وزیراعظم شہباز شریف اسلام آبادنا سیکٹر H-12نا جنگل اٹی خاخر لگنگ نا نوٹس ءِ ہلسا چیئرمین سی ڈی اے ءِ خاخر نا مون ءِ توننگ کن ہلہلہ ئی بنداو تیا گام گیج نا پارت کرینے۔ سے شنبے نادے آ وزیراعظم میڈیا آفس آن جاری بیان نا رداٹ وزیراعظم چیئرمین سی ڈی اے ءِ دمدستی کمکی کارروائی کننگ و مخلوق ءِ رکھ ہند آتیا گدریفنگ نا پارت کرے۔ خاخر نا مون ءِ توننگ کن فائر بریگیڈ نا عملہ ءِ دمدستی متحرک کننگے۔ وزیراعظم وزارت موسمیاتی بدلی ءِ ہم اسلام آباد و مارگلہ ٹی داوڑنا واقعہ غاتا توننگ کن جوان حکمت عملی اس تیار کننگ نا پارت کرے۔