اسلام آباد۔ 07 جون (اے پی پی) صدر مملکت ڈاکٹر عارف علوی آئین نا آرٹیکل -156ون نا رداٹ قومی اقتصادی کونسل نا اول سرآن ٹہیفنگ نا منظوری ءِ تس۔ ایوان صدر نا پریس ونگ آن سے شنبے نادے آ جاری بیان نا رداٹ وزیراعظم قومی اقتصادی کونسل نا چیئرمین و ہر چار آ صوبہ غاتا وزیراعلیٰ کونسل نا باسک مریرہ۔ بنجاغان وزیر ڈٹ بندی احسن اقبال، وزیر خزانہ مفتاح اسماعیل، …
صدر ڈاکٹر عارف علوی قومی اقتصادی کونسل نا اول سرآن ٹہیفنگ نا منظوری ءِ تس
گیشتریں ھال
اسلام آباد۔ 07 جون (اے پی پی) صدر مملکت ڈاکٹر عارف علوی آئین نا آرٹیکل -156ون نا رداٹ قومی اقتصادی کونسل نا اول سرآن ٹہیفنگ نا منظوری ءِ تس۔ ایوان صدر نا پریس ونگ آن سے شنبے نادے آ جاری بیان نا رداٹ وزیراعظم قومی اقتصادی کونسل نا چیئرمین و ہر چار آ صوبہ غاتا وزیراعلیٰ کونسل نا باسک مریرہ۔ بنجاغان وزیر ڈٹ بندی احسن اقبال، وزیر خزانہ مفتاح اسماعیل، وزیر واپار سید نوید قمر و وزیر مواصلات اسعد محمود اقتصادی کونسل نا باسک تعینات کننگانے وخت اس کہ پنجاب آن سردار اویس احمد خان لغاری و سندھ آن سینیٹر نثاراحمد کھوڑو نا پن بطور ممبر قومی اقتصادی کونسل منظور کننگا، خیبرپختونخوا آن وزیر خزانہ تیمور سلیم جھگڑا و بلوچستان آن سینئر وزیر خزانہ نور محمد دمڑ بطور ممبر تعینات کننگانو۔ ڈپٹی چیئرمین پلاننگ کمیشن، سیکرٹری خزانہ، سیکرٹری اقتصادی امور و سیکرٹری ڈٹ بندی ڈویژن خصوصی سلہ غا قومی اقتصادی کونسل نا دیوان تیٹی بشخ ہلیرہ ۔ وزیراعظم سمری نا رداٹ قومی اقتصادی کونسل نا اول سرآن ٹہیفنگ نا درخواست کریسس۔ صدر مملکت قومی اقتصادی کونسل نا اول سرآن ٹہیفنگ وزیراعظم نا ایڈوائس آ کرینے۔
