اسلام آباد۔ 07 جون (اے پی پی) بنجائی وزیر حوالکاری و شینکاری مریم اورنگزیب پارینے کہ وزیراعظم شہباز شریف نا کماشی ٹی بنجائی کابینہ نا دیوان اٹی لوڈشیڈنگ ءِ کم کننگ نا وڑوڈول و توانائی نا حالیت آتیا حوال تننگا، بجلی نا زیات طلب ءِ پورو کننگ کن نصب شدہ لائخی نا کمتی ءِ، سپلائی چین اٹی ہم گیپ اسے انتئے کہ پی ٹی آئی ایندھن نا بھاز انگا معاہدہ غاتے کتو، نن دا ویل آتے دمدستی وڑاٹ ایسر کننگ اُن۔ سے شنبے نادے آ تینا ٹویٹ آتیٹی اوپارے کہ پی ٹی آئی دا غٹ ڈٹ آتے چار سال آتیٹی چلیفنگ کتو ہرا پی ایم ایل این بناءِ کریسس۔ اوپارے کہ ڈیم تیٹی سیمنز نا ایل این جی پلانٹ دنیا ٹی غٹ آن زیات 61.6 درسد کارآمد پلانٹ ءُ و داڑے 2018 ٹی مسلم لیگ (ن) نا دور اٹی اولیکو ٹربائن بسوسس، داپلانٹ داسکان چلیفنگ متو۔ اومستی پارے کہ قومی کہول آ وزارت توانائی نا کنڈآن انرجی کنزرویشن پلان دامشکل وخت اٹی پیش کننگ انگ ءِ ہراتم بجلی نا کاختی ءِ و تیل و گیس انا نہاد آک جہانی منڈی ٹی بڑزکو کہول آٹو۔ اوپارے کہ فنانس ڈویژن نا کنڈآن کابینہ ٹی کفایت شعاری نا ڈٹ پیش کننگ انگ ءِ۔ کابینہ باسک آتون اوار سرکاری عہدیدار آتا پیٹرول استحقاق اٹی 40 درسد کمتی کننگ انگ ءِ۔
