اسلام آباد۔ 06 جون (اے پی پی) وزیراعظم شہباز شریف پارینے کہ حکومت جاپان تون تعلقداری تے پین ودفنگ کن سنبرینگوک ءِ، جاپان نا شمار پاکستان کن بھلا ڈونر ملک آتیٹی مریک، پاکستان اٹ گاڈی تا صنعت ہزار آبندغ آتے روزگار فراوان کرینے، ہڑتوم آ ملک آتا نیام اٹ واپار نا مون آ دننگ اٹ بروک آ اڑاند آتے مر کننگک۔ اوداخیال آتا درشانی ءِ دوشنبے نادے آ داڑے جاپانی زرکارآتون گپ وتران کرسا کرے۔ وزیراعظم پارے کہ جاپان اولیکو جنگ عظیم آن پد ہراوڑ شون ہلک او سفت نا قابل ءِ، جاپانی قوم سخت خواری و لگن اٹ شونداری نا مزل آتے طے کرینے، جاپان نا مخلوق نا کاروباری اصول آتا بڑز کو آب آن معلومدار اُٹ، جاپان سیاسی تعلقداری تیان ایڑتر مرسا مدام پاکستا ن نا کمک ءِ کرے، جاپان نا شمار پاکستان نا خڑک انگا سنگت آتیٹی مریک، 90 ء نا دہائی اسکان بھاز انگا جاپانی کمپنی پاکستان اٹ کاریم کریرہ۔ 2016 ٹی سوزوکی کمپنی تون مثبت مذاکرات مس، پاکستان اٹ گاڈی تا صنعت ہزار آ بندغ آتے روزگا ر فراوان کرے، جاپان پاکستان اٹ اہم ڈٹ آتیٹی کمک کننگ ءِ، و جاپان نا کنڈآن تدوک آ ہفت عشرہ غاتیٹی 13 ارب ڈالر نا بھلو زر اس پاکستان ءِ فراوان کننگا۔ اوپارے کہ پاکستان وجاپان نا تعلقداری تے پین ودفنگ کن سنبرینگوک اُن، واپار نا مون آ دننگ نا کسر اٹ بروک اڑاند آتے مر کننگک۔
