اسلام آباد۔ 06 جون (اے پی پی) چیئرمین سینیٹ محمد صادق سنجرانی بھارت نا حکمران جماعت بی جے پی نا ترجمان نا توہین رسالت صلی اللہ علیہ و آلہ وسلم آ مبنی بیان نا ترندی اٹ مذمت ءِ کرینے و پارینے کہ داوڑنا بیانک غٹ دنیا نا مسلمان تیکن اضطراب و است آزاری نا سوب جوڑ مریرہ۔ سینیٹ سیکرٹریٹ نا ردٹ چیئرمین سینیٹ پارے کہ مسلم کش و فسطائی بھارتی حکومت نا سوب آن بھارت اٹی مذہبی آجوئی ءِ بھاز خطرہ مون تروک ءِ ، ساڑی بھارتی حکومت بھارت اٹ رہینگوک آغٹ اقلیت آتا زند ءِ ژند کرینے۔ اوپارے کہ او آئی سی و ایلو جہانی تنظیمک بھارتی حکومت نا اسلاموفوبیا غا مبنی پالیسی تا نوٹس ءِ ہلیر، اقوام عالم و خاص وڑاٹ مسلم امہ اسلاموفوبیا نا برخلاف گچین حکمت عملی اس اختیار کیر۔ اوپارے کہ غٹ دنیا نا مسلمانک خواجہ محترم صلی اللہ علیہ و آلہ وسلم ناموس نا رکھ اکن تینا جون تے قربان کننگ کیرہ۔ چیئرمین سینیٹ پارے کہ ساڑی حالیت آتیا پاکستانی حکومت و الس نا تشویش غٹ مذہب دنیا نا پارلیمان تسکان سرکینہ
