اسلام آباد۔ 06 جون (اے پی پی) بنجائی وزیر چاگڑدی بدلی سینیٹر شیری رحمان بی جے پی راہشون تا توہین آمیز بیان تا سخت انگا لوز آتیٹی مذمت ءِ کرسا پارینے کہ بی جے پی راہشونک مسلمان تا است آزاری ءِ کرینو، داڑآن نئے بیرہ بھارت بلکن مچ آ دنیا نا مسلمان تا جوزہ مجروح مسنے، جہانی برادری و انسانی حق انا تنظیمک دانا نوٹس ءِ ہلیر۔ دوشنبے نادے آ داڑے جاری اسہ بیان اسے ٹی اوپارے کہ مودی حکومت حساس مذہبی باندات آتیا مخلو ق اٹ خار تالان کننگ ءِ، جہانی برادری نا رواداری نا آب ایلو ملک آتیکن جتا و مودی کن جتا مننگ کپک، بھارتی انتہاپسندی دنیا کن خطرہ اس جوڑ مسنے۔ شیری رحمان پارے کہ بی جے پی راہشون تا بیرہ رکنیت ءِ معطل کننگ گنج اس اف، مودی سرکار دنیا نا غٹ مسلمان تیان ضابطہ بایدے معافی خوائے۔
