کوئٹہ۔ 06جون (اے پی پی) ترجمان حکومت بلوچستان فرح عظیم شاہ بھارت نا حکمران جماعت بھارتیہ جنتا پارٹی (بی جے پی ) نا راہشون تا کنڈآن گستاخانہ ریمارکس نا ترندی اٹ مذمت ءِ کرسا پارینے کہ دنیا دانا نوٹس ءِ ہلے و بھارت نا سرزنش ءِ کے۔ اوپارے کہ مودی نا سرکڑدہ ئی ٹی ہندوستان مذہبی آجوئی تے لتاڑنگءِ و مسلمان تیا ظلم کننگ انگ ءِ۔ اوپارے کہ دنیا و اقوام متحدہ بھارت اٹ مسلمان تیا ظلم و زیادتی و مچ آ دنیا نا مسلمان تا جوزہ غاتے مجروح کننگ نا نوٹس ءِ ہلیر ، مسلمان تا نبی کریم صلی اللہ علیہ و آلہ وسلم تون مہرومریبت و شرف نا ہچ ءُ حداس اف، او پیغمبر اسلام صلی اللہ علیہ و آلہ وسلم کن جون ءِ ہم ندر کننگ کیرہ۔ اوپراے کہ گستاخانہ ریمارکس آن نئے بیرہ پاکستانی الس بلکن مچ آ دنیا نا ارب آ مسلمان تا جوزہ غاتے بھاز ٹھیس رسینگانے۔ بی جے پی نا کنڈآن وضاحت نا کوشست و او بندغ آتا برخلاف ہرے آ کروک آ تادیبی کارروائی تیان مسلم دنیا کن ہرا تکلیف و فریشانی مسنے اودے کم کننگ مفک۔
