اے این ایف ءَ 10 ہزار مردم آنی بھرتی ءِ وا ستہ کابینہ ءَ چہ موہ درجنگ بیت، شاہ زین بگٹی

ملتان۔5جون  (اے پی پی): منشیات ءِ گر  ءُ دار کنگ  ءِ بنجاھی وزیر نوابزادہ شاہ زین بگٹی ءَ گوشت کہ  منشیات  فورس ءَ را   لس مردمی ھاٹیگ ءِ   پکار  انت،  اے وھد ءَ  زرباری  پنجاپ ءِ 11 ضلع  آنی تہ ءَ اے این ایف ءِ کرا ایوک ءَ 50 مزدگر  انت  ءُ  ما  اے  50 مردم آنی گوما  سرجمیں  زر باری پنجاپ ءِ  جیڈھ آناں  چارگ ءَ آں۔  اے ھیالانی درشانی آئی ءَ  اینٹی نارکو ٹکس  تھانہ ءِ تر ءُ تاب ءِ موہ ءَ  میڈیا ءَ گوں تران کنان ءَ کت۔   آئی ءَ  گیش گوشت کہ 50  مردم آنی کارندہ  اے این ایف  آمید گس، تھانہ ، ائیر پورٹس ، سڑک  ءُ ایندگر جیڈھ آناں چارگ ءَ انت۔  آئی ءَ گوشت کہ  لس مردم  ھاٹیگ  ءِ کمیگ  ءَ ابید اے این ایف   ءِ کار کرد  ا باز جوان انت۔  شاہ زین بگٹی ءَ گوشت کہ   من   مزن  وزیر شہباز شریف ءِ  دیم ءَ اے شور ءُ مشور ءَ ایر کناں کہ اے این ایف ءَ  گیش 10 ہزار مررد بھرتی کنگ بہ  بیت۔