اسلام آباد۔5جون (اے پی پی): مزن وزیر محمد شہباز شریف ءَ اھوالتاک آنی صنعت آنی جیڈھ ءُ جنجال آنی گیواری ءِ واستہ 30 جون ءَ تاں پیسریگیں حکومت ءِ اشتہار آنی وام آنی دیگ ءِ پنت ءُ شون کتگ۔ مزن وزیر ءَ اے پنت ءُ شون آل پاکستان نیوز پیپرز سوسائٹی ( اے پی این ایس) ءِ ڈل ءَ گوں گند ءُ نند ءَ تران کنان ءَ کت۔ اے موہ ءِ سر ءَ بنجاھی وزیر اھوالکاری ءُ شنگ کاری مریم اورنگزیب ءَ ابید مزن وزیر ءِ ھاسیں کمکار فہد حسین ھم ساڑی ات۔ اے پی این ایس ءِ صدر سرمد علی ءِ سروکی ءَ ڈل ءِ سیکریٹری جنرل ناز آفرین ،سہگل لاکھانی ، سینئر یں اھوالکارر مجیب الرحمن شامی، جمیل اطہر، شہاب زبیری، محترمہ رمیزہ نظامی ، عمرمجیب شامی، امتنان شاہد، ممتاز طاہر، محسن بلال، اویس خوشنود، وسیم احمد، منیر گیلانی ءُ ہمایوں گوہر ھم ھوار اتنت۔ مزن وزیر ءَ پنت ءُ شون کت کہ اھوالتاک آنی صنعت ءِ جیڈھ ءُ جنجال آنی گیواری ءِ وا ستہ ٹوھیں پیکیج ءِ جار جتگ ءُ 30 جون ءَ تاں پیسریگیں حکومت ءِ اشتہار آنی وام آناں دیگ ءِ پنت ءُ شون کتگ۔
