بھارت کشمیری ورناتا عدالت آن ایڑتر قتل بند، جہانی برادری ہموڑے انسانی حق انا خلاف ورزی تا نوٹس ہلے، صدر ڈاکٹر عارف علوی

اسلام آباد۔ 04 جون (اے پی پی) صدر مملکت ڈاکٹر عارف علوی 10 کشمیری ورنا تا خون نا ترندی انگا لوز آتیٹی مذمت ءِ کرسا پارینے کہ کوزہ گیر بھارتی فوج سرچ آپریشن نا پن آ بے گناہ کشمیری ورناتے شست کننگ ءِ۔ ایوان صدر نا پریس ونگ آن ہفتہ نادے آ جاری بیان نا رداٹ صدر مملکت پارے کہ بھارت کشمیری ورناتا عدالت آن ایڑتر خون نا کارروائی تے بند کے۔ بھارت ظالمانہ کارروائی تے اٹ کشمیری تا جوزہ حریت ءِ توننگ کپک۔ صدر ڈاکٹر عارف علوی پارے کہ بھارتی بربریت نا برخلاف بھارت نا غیر کانودی کوزہ گیری ٹی جموں و کشمیر نا ہندی تحریک آزادی ءِ دہشت گردی اتون گنڈنگ مفک۔ صدر مملکت پارے کہ بھارت نا غیر کانودی کوزہ گیری ٹی جموں و کشمیر اٹ است ہسون کارروائی تیان انتہاپسند ہندو توا دروشم بے نقاب مسنے۔ اوپارے کہ جہانی برادری بھارت نا غیرکانودی کوزہ گیری ٹی جموں وکشمیر اٹی انسانی حق انا خلاف ورزی تا نوٹس ءِ ہلے۔ صدر مملکت پارے کہ اقوام متحدہ نا قرارداد آتا رداٹ جموں وکشمیر نا جھیڑہ نا ایسر ڈیہہ ٹی امن نا ضامن ءِ۔