اے ایف آئی سی ٹی ردھم فار لائف 2022 کانفرنس بناکرے، امریکہ، برطانیہ، ترکی و ایلو ملک آتیان چاہندارآک شریک

راولپنڈی۔ 04 جون (اے پی پی) آرمڈ فورسز انسٹی ٹیوٹ آف کارڈیا لوجی ٹی ردھم فار لائف 2022 نا سرحال آن کانفرنس بناکرینے۔ آئی ایس پی آر نا رداٹ انٹرنیشنل الیکٹرو فزیالوجی کانفرنس نا بنائی سیشن نا مہمان خاص لیفٹیننٹ جنرل نگار جوہرئسک۔ سول و ملٹری بشخ آتیان چاہندار کارڈیک الیکٹروفزیالوجسٹس نا کانفرنس اٹی شریک  ءُ۔ برطانیہ، ترکی، آذربائیجان ، قطر، سعودی عرب و امریکہ غان ہم چاہندارآک کانفرنس اٹی شریک ءُ۔ کانفرنس نا کنوینر اے ایف آئی سی نا الیکٹرو فزیالوجی نا بشخ انا سروک بریگیڈیئر پروفیسر عظمت حیات بشخ ہلوک آتے بخیر کرے۔ بریگیڈیئر پروفیسر عظمت حیات است انا دھڑکن نا پیچیدگی و دوئی درمان  ءِ مون آتخا ، بنائی سیشن آن پروفیسر جسوندر سنگھ گل و پروفیس ایمریٹس گائز ئسک ہم تران کریر۔ پبلک ہیلتھ اسکاٹ لینڈ انا پروفیس محمود عادل تینا تران اٹی پبلک ہیلتھ و شعبہ میڈیسن اٹ ڈیجیٹل ہیلتھ نا کڑد ءِ مون آ تخا۔ سرجن جنرل لیفٹیننٹ جنرل نگار جوہر تینا تران اٹی الیکٹرو فزیالوجی نا اہمیت ءِ تالان کرے۔