ناشرکاری ءِ ھلاپ ءَ جنگ ءَ مئے کامیاتی  بے درور اَنت، مزن وزیر شہباز شریف ءِ کمانڈ اینڈ سٹاف کالج کوئٹہ ءَ گشتانک

اسلام آباد۔3جون  (اے پی پی): مزن وزیر شہباز شریف  ءَ گوشت کہ ناشرکاری  ءِ ھلاپ ءَ جنگ ءَ مئے کامیاتی بے درور اَنت  ایشاناں سرجمیں دگنیا ءَ من اِتگ۔ پاکستان ءِسلاھ بندیں ارد ، ایمنی،  توکی ءُ ڈنی سلامتی ءُ  دمگی برجائی ءِ  زامن انت، میاں اوستمانی ایمنی ءِ کوشست آنی پڑ ءَ  کرد پیلو کنگ ءَ انت۔  آ کمانڈ اینڈ سٹاف کالج کوئٹہ ءِ تر ءُ تاب ءِ موہ ءَ  گشتانک دیان ءَ کت۔  پاک فوج ءِ شوبگ  آئی ایس پی آر  ءِ رد ءَ  مزن وزیر محمد  شہباز شریف ءَ آیدینگ ءِ روچ ءَ کمانڈ اینڈ سٹاف کالج کوئٹہ ءِ تر ءُ تاب کت  ءُ شہید  بوتگیں  ورنا آناں توسیپ ءُ ستا پیش کت ءُ   یاتگیر  آنی سر ءَ  پل   شان دات  ءُ چادر پر دات۔  ایشی ءَ چہ پد مزن وزیر  شہباز شریف ءَ کمانڈ اینڈ اسٹاف کورس   2021/2022  ءَ بھر زوری کنوکیں اپسرگ  آں گوں گشتانک دات۔  اے موہ ءِ سر ءَ گشتانک دیان ئَ   مزن وزیر شہباز شریف ءَ پاکستان ءِ سلاھ بندیں ارد ءِ کامیاتی   ءُ قربانی آناں  توسیپ ءُ ستا پیش کنان ءَ گوشت کہ ناشرکاری  ءِ ھلاپ ءَ جنگ ءَ مئے کامیاتی  بے درور اَنت  ایشاناں سرجمیں دگنیا  منگ ءَ انت۔ سلاھ بندیں ارد آں کدرتی ڈکال  ءُ سیلاپ آنی ساھت ءَ  راج ءِ ازمت آناں  لائک ءِ توسیپی  کار کتگ۔  مزن وزیر شہباز شریف  ءَ گوشت کہ پاکستان ءِ سلاھ بندیں ارزشتی ایں  ریاستی ادارگ ات  ءُ راج   ءَ را آئی ءِ سر ءَ پھر انت۔  مزن وزیر ءَ گوشت کہ مئے آجوئی  ءِ بامرد  ءُ  شہید آنی قربانی  ءِ منت واری انت۔