مید آنی دیمروئی  مئے اولی ترجی اِنت، گوادر ءَ ماہی کش آنی واستہ  چین 3200 سوکر پینل پجاری کنت،  مزن وزیر محمد  شہباز شریف ءِ ماہی کش آں گوں گشتانک

گوادر ۔3جون  (اے پی پی): مزن وزیر  محمد شہباز شریف  ءَ گوشت کہ مید آنی دیمروئی مئے اولی ترجی انت، گوادر  ءِ  مردم آنی واستہ آسانی شرط آنی پد ءَ سولر پینل پجاری کناں، بینک آں چہ وام ءِ در  جنگ ءِ واستہ  آسانی  ءَ گوں پیداک  کنگ بیت،  گیر کانودی ٹرالنک ءِ ھلاپ ءَ ترندی  ءَ گوں  ایکشن زوراں۔ اے ھیالانی درشانی آئی ءَ   آدینگ ءِ روچ ءَ    مید آنی  گوما گشتانک ءِ ساھت ءَ کت۔  آءی ءَ گوشت کہ ماہی گیر  آنی دیمروئی مئے اولی ترجی اِنت ، ماہی گیر آنی وشھالی ءِ واستہ ھمک رنگیں  گامگیج کناں۔  آئی ءَ گوشت کہ گس آناں توان ءِ پجاری  ضلوری انت،  گوادر ءَ ماہی کش آنی واستہ چین 3200 سولر پینل  پجاری کنت۔  مزن وزیر ءَ گوشت کہ   سولر پینل  ءِ وسیلگ ءَ  آسانیں شرط ءِ سر ءَ دیگ بیت ، مید ھرچی توان ءِ بل ادا کناں ایشی ءَ چہ کم سولر پینل  کست  دیان ءَ توان ءِ آسراتی  ءَ چہ سیت مند کناں، وھد ءِ سولر پینل  ءِ قیمت  سرجم  ادار بیت  گڈاس  مید آناں  مپت ءَ توان پجاری بیت۔   آئی ءَ گوشت کہ جتا جتائیں سولر پارکس جوڑ کنگ بیت ایشی ءَ چہ  بازیں ماہی کش  آناں نیشنل گرڈ  ءِ مٹ ءَ یک شلی ءَ  بجلی ءِ  آسراتی رسئیت ۔ آئی ءَ گوشت کہ  2 ہزار ماہی کش آناں لانچ  آنی  انجن پجاری کنگ بیت۔  اے موہ ءِ سر ءَ  سر وزیر بلوچستان  عبدالقدوس بزنجو ءُ بنجاھی وزیر منصوبگ بندی  ءُ دیمروئی کار  احسن اقبال  ھم ساڑی ات۔