مزن وزیر شہباز شریف ءَ گوں چینی کمپنی آنی ڈل ءِ گند ءُ نند، چینی سرمایہ کار آناں ھمک رنگیں  کمک  کنگ ءِ دل یکیمی

گوادر۔3جون  (اے پی پی): مزن وزیر  شہباز شریف ءَ گوادر ءَ ھمک گس ءَ را ساپیں آپ  ءِ پجاری کنگ ءُ سولر پینلز   ءِ وسیلگ ءَ  توان ءِ پجاری  ءَ را  دل یکیمی   کنگ ءِپنت ءُ شون۔ آئی ءَ گوشت کہ چینی سرمایہ کار آناں ھمک رنگیں کمک  ءِ دل یکیمی ءَ کنان ءَ  بنجاھی وزیر منصوبگ بندی  احسن  اقبال  ءِ  پراھ ءُ  شاھیگانیں  سول ءُ تران  کنگ ءُ توامیں جیڈھ آنی گیواری  ءِ واستہ جوانیں روڈ میپ  تیار کنگ ءِ ھم پنت ءُ شون کت۔   آئی ءَ گوشت کہ اے پنت ءُ شون آدینگ ءِ روچ ءَ  چینی کمپنی آنی ڈل ءَ گوں گند ءُ نند ءِ ساھت ءَ  دات انت۔ مزن وزیر  ءَ  گوادر شہر  ءَ ڈی   سیلینیشن پلانٹ  جنگ  ءُ ساپیں آپ جاری کنگ،  ءُ سولر پینل  ءِ کارمرز کنگ  ءَ چہ توان ءِ پجاری ءَ را دل یکیمی  جوڑ کنگ ءِ پنت ءُ شون کت۔ آئی ءَ گوادر  ائیر پورٹ ءِ زوت سرجم کنگ ءُ گوادر پورٹ ءَ را  سرجمیں  دگنیا ءَ  دزگٹیں  ءُ سیت مندیں دکہ ءِ جوڑ کنگ ءِ ھوالگ ءَ  زور دات۔  مزن وزیر ءَ اے مول ءُ مراد  آنی واستہ چینی سرمایہ کار آناں ھمک رنگیں  کمک  کنگ ءِ دل یکیمی کنائینت۔  آئی ءَ  بنجاھی وزیر منصوبگ بندی ءُ دیمروئی   کار احسن  اقبال  ءَ را اے رد ءَ چینی سرمایہ کار  آنی گوما  پراھ ءُ شاھیگانیں   سول ءُ تران کنگ ءُ توامیں  جیڈھ آنی گیواری ءِ واستہ   روڈ میپ  تیار کنگ ءِ پنت ءُ شون ھم کت۔    گند ءُ نند ءَ بنجاھی وزیر منصوبگ بندی  ءُ دیمروئی   کار احسن اقبال ، بنجاھی وزیر  منشیا ت ءِ گر ءُ دار نواب زادہ شاہ زین بگٹی ، ھاسیں کمکا  طارق فاطمی  ءُ فہد حسین ءَ ابید ایندگر   ٹوھیں ٹوھیں سیاسی سروک  ھم ساڑی اتنت۔