مچ آ ملک اٹی 24 گھنٹہ ٹی 14635 کورونا ٹیسٹ کننگا، این آئی ایچ

اسلام آباد۔ 03 جون (اے پی پی) 24 گھنٹہ ٹی مچ آ ملک اٹی 14635 کورونا ٹیسٹ کننگانے۔ جمعہ نادے آ این آئی ایچ نا کنڈآن جاری کروک ٹویٹ اٹی شیئرکروک حساب وکتاب نا رداٹ تدوک آ 24 گھنٹہ ٹی 14635 کورونا ٹیسٹ کننگانے ہرافتیان 36 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 0.25 درسد ئسک۔ داکان بیدس داوخت آ کورونا دین آن اسہ ناجوڑ اس ہم دا دین آن زوال کتنے وخت اس کہ 76 ناجوڑ آتا حالیت نازرک ءِ۔