106 حج جہاز آتا کمک اٹ 32 ہزار حاجی تے سعودی عرب آ سرکننگک، وزارت مذہبی امور شیڈول جاری کرے

اسلام آباد۔ 03 جون (اے پی پی) وزارت مذہبی امور حج جہاز آتا شیڈول ءِ جاری کرینے، اولیکو جج جہاز 6 جون آ اسلام آباد آن روانہ مریک ۔ ترجمان مذہبی امور نا ترجمان نا رداٹ 106 حج جہاز آتا کمک اٹ 32 ہزار حاجی تے سعود ی عرب آ سرکننگک۔ اسلام آباد آن روڈ ٹو مکہ پروجیکٹ نا رداٹ 42 جہاز چلیفنگک۔ فلائٹ شیڈول ویب سائٹ آ خلوک ءِ۔ و حاجی تے موبائل میسج ہم جاری کننگا۔ حاجی تے پارت کننگانے کہ ہروڑنا فریشانی آن بچنگ کن جہاز آتا شیڈول آ سختی اٹ عمل کیر۔ حاجیک جاری شیڈول نا رداٹ خڑکی پت سینٹر آن بائیو میٹرک کرفر۔ حاجیک المی ویکسین، شناختی لاکٹ، پاسپورٹ، حج ویزہ، ٹکٹ، ریسٹ بینڈ انا دوئی کننگ کن حاجی کیمپ رابطہ کیر۔ جہاز آن 72 گھنٹہ نا تہہ ٹی کوویڈ پی سی آر ٹیسٹ سعودی منظور شدہ لیبارٹری تیان کرفنگ المی ءِ۔ حاجی تا آسراتی کن حاجی کیمپ آتیٹی منظور مروک لیبارٹری تا بوتھ جوڑ کننگانے۔ سعودی عرب روانگی کن حاجی تا پی سی آر (منفی) ٹیسٹ سرٹیفکیٹ المی مریک، پی سی آر ٹیسٹ انا واجبات 4250 روپئی حاجی تے تینٹ تروئی مریک۔