زکریاایکسپریس اٹی زالبول اتون بیدادی، وزیراعظم نا پارت آ زالبول مسافر آتیکن ریلوائی سیکورٹی نا وڑڈول آتیٹی بدلی نا سلاہ

اسلام آباد۔ 02 جون (اے پی پی) وزیراعظم شہباز شریف نا پارت آ پی ایم اسٹریٹجک ریفارم زالبول مسافر آتا رکھ اکن ریلوائی سیکورٹی نا وڑوڈول اٹی بدلی نا سلاہ تسنے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ بہاؤالدین زکریا ایکسپریس اٹی سفرنا وخت آ زالبول اتون بیدادی نا واقعہ نا نوٹس ءِ ہلسا وزیراعظم شہباز شریف نا پارت آتیا سلمان صوفی نا کماشی ٹی پی ایم اسٹریٹجک ریفارم زالبول مسافر آتا رکھ اکن ریلوائی سیکورٹی نا وڑوڈول اٹی بدلی سلاہ کرینے۔ اسٹریٹجک ریفارم آتا رداٹ دا سلاہ کننگانے لیڈی ریلوائی پولیس فورس انا کارندہ غاتا ٹیم تے ٹرین اسٹیشن آتیا تعینات کننگک۔ داکان بیدس زالبول مسافر آتا راہشونی و سیکورٹی کن ’’سفر سہیلی‘‘ موبائل ایپ اس لانچ کننگک وخت اس کہ پرنٹ مروک ٹکٹ آتیا ایپ ڈاؤن کننگ نا پارت مریک و اوڑتون اوار ٹکٹ آتیا ایمرجنسی نمبر ہم پرنٹ کننگک۔ مرغن آ سفر کن ریلوائی اسٹیشن آتیا ایل آر پی ایف نا عملہ (اسہ لیڈی سب انسپکٹر و 2 لیڈی کانسٹیبل) نا ٹیم تے ٹہیفنگک و ٹرین تیٹی مسافر آتا کچ انا رداٹ ٹیم تا کچ اٹی ودکی کننگک و ٹرین تیٹی ایمرجنسی SOSبٹن ءِ خلنگک۔ داکان بیدس پاکستان نا غٹ ریلوائی اسٹیشن تیا پوسٹر، پمفلٹ ، ہینڈ بل و پڑو آتا کمک اٹ زالبول آتا رکھ اکن باقاعدہ آگاہی پروگرام دمدستی وڑاٹ اڈتننگے، اودے الیکٹرانک وڑاٹ ہم نشر کننگے۔ داکان بیدس وڈیو سرویلنس سسٹم (VSS)نا خلنگ غٹ ریلوائی اسٹیشن تیا حساس ہند آتیا نصب کننگک سی سی ٹی وی کیمرہ ہر بوگی ٹی (کوریڈورآتیٹی نصب کننگک، داکان بیدس فیس ریلگنشن کیمرہ ایپ اس تیار کننگک ہرادروشم نا شناخت نا کمک اٹ ڈوہدار و اوفتا مسکوہی ریکارڈ ءِ ٹریس کننگ کیک۔ داہیت ءِ پک کننگک کہ آؤٹ سورس ٹرین تا ٹھیکہ تننگ آن مست، تعینات غٹ نجی ملازم آتا کڑد انا تعلقدار ایجنسی /خصوصی شاخ آن کلیئرنس دوئی کننگے۔ داکان بیدس پرائیویٹ کمپنی تے مہالو آن تروک آ معاہدہ غاتا جاچ ءِ ہلنگک و تعینات غٹ نجی ملازم آتا کڑد انا جاچ تعلقدار ایجنسی /خصوصی یونٹ نا کمک اٹ کننگک۔ اوڑتون اوار غٹ ٹرین آتیٹی کنٹرول روم اس جوڑ کننگک۔