عمران خان نا تقریر آئین و ملک انا برخلاف، بیان آئین، ادارہ، پاکستان نا فوج و سپریم کورٹ آ جلہو ءُ، بنجائی وزیر حوالکاری

اسلام آباد۔ 02 جون (اے پی پی) بنجائی وزیر حوالکاری و شینکاری مریم اورنگزیب عمران خان نا بیان نا ترندی اٹ مذمت ءِ کرسا پارینے کہ عمران خان نا تقریر خار آ مبنی ءِ ہر اآئین و ملک انا برخلاف ءِ، سلاہ درشانی اس اف، ملک ءِ بشخنگ و خوانخواستہ ٹکر ٹکر نا ہیت کننگ دشمن نا زبان ءِ، عمران صاحب نا بیانک آئین نا برخلاف ءُ۔ پنچ شنبے نادے آ تینا اسہ بیان اسے ٹی اوپارے کہ عمران خان نا بیانک بنجاغا جلہو ءُ، بنجاآ جلہو نا پڑو، ادارہ غاتا بھسکاری و ایٹمی پروگرام ءِ پلنگ نا ہیت ءِ دشمن کیک۔ اوپارے کہ عمران خان نا دا حالت نا تقریر  ٹی وی آ بایدے شینک مف۔ بنجائی وزیر حوالکاری پارے کہ پاکستان نا ٹکر کننگ نا پڑو کروک آ ہر زبان ٹکر ٹکرمریک۔ عمران صاحب نا ملک انا برخلاف بیان تیا قوم انا ردعمل ءِ توننگ ممکن مفک۔ اوپارے کہ عمران صاحب آخا’’فارن فنڈنگ ‘‘ ہیت کننگ ءِ، سچائی، خودسازشی نا تینا زبان آن ادامسنے۔ مریم اورنگزیب پارے کہ عمران صاحب نا بیان آئین، ادارہ ، پاکستان نا فوج و سپریم کورٹ آ جلہو ءُ، اقتدار سلتو تو آئین، سپریم کورٹ، الیکشن کمیشن ، بنجاغا جلہو اسہ ناجوڑ ذہنیت نا ڈیک اسے۔