اسلام آباد۔ 02 جون (اے پی پی) سینیٹ اٹی قائد ایوان و بنجائی وزیر کانود و انصاف سینیٹر اعظم نذیر تارڑ پارینے کہ مسکوہی وزیراعظم اقتدار آن محروم مننگ نا سوب آن ذہنی تواز ن ءِ گوہانے، حکومت آتا بدل مننگ آن ملک انا سالمیت آ ہچ ءُ شورانک اس بفک، پاکستان مخالف بیانیہ غان ملک ءِ پرغنگ نا ہیت کرسا او ملک اٹ بے چیٹی ودی کننگ خواہک۔ پنچ شنبے نادے آبڑزکو ایوان اٹی تحریک التواء غا گپ وتران کرسا قائد ایوان پارے کہ مسکوہی وزیراعظم نا اقتدار آن محروم مننگ آن پد گپ وتران نا وڑ ہی بدل مسنے و اوملک انا سلامتی نا برخلاف بیان تننگ نا بناءِ کرینے ہراکہ بھاز خطرناک ءِ، حالانکہ او ہرا سوغند ءِ ہرفیسس اونا بھلو زمواری اس مریک ہرادے پورو ہم کروئی تمک۔ اقتدار نا ہِننگ آن او ذہنی توازن ءِ گوہانے۔
