اسلام آباد۔ 02 جون (اے پی پی) سینیٹر مشاہد حسین سید پارینے کہ 2014 آن میڈیا فورم ءِ اڈتننگک، چین اتون تعلقداری تے پین گچین کننگ کن دا فورم ءِ جوڑ کننگاسس۔ داخیال آتا درشانی ءِ او پنچ شنبے نادے آ ہفتہ می سی پیک میڈیا فورم آن تران کرسا کرے۔ اوپارے کہ چین کورونا نا دین اٹی ویکسین، ازباب نئے بیرہ پاکستان بلکن مچ آ دنیا ءِ تس، ذوالفقار علی بھٹو چین پاکستان تعلقداری تے پوسکن ءُ جہت اس تس ، مشاہد حسین سید پارے کہ پیپلزپارٹی نا سرکڑدہ پاک چین تعلقداری نا گچینی و پاکستان نا شونداری کن گام گیج کرے، پاکستان دا یخین تخک کہ چین پاکستان نا اسٹریٹجک شریدار ءِ۔ اوپارے کہ گوادر پاکستانی زرگزران نا اہم جزو ءِ و چین گوادر نا شونداری ٹی کڑد ادا کننگ ءِ، پاکستان اٹی فیڈریشن نا رکھ اکن سی پیک نا کڑد اسے، مشاہد حسین سید پارے کہ سی پیک نا کمک اٹ پاکستان نا الس نا طرز معاشرت بدل مننگ ءِ۔
