سی پیک نا کمک اٹ پاک چین تعلقداری تے پوسکن ءُ جہت اس ملا، چینی ناظم الامور پانگ چنکسو

اسلام آباد۔ 02 جون (اے پی پی) چینی ناظم الامور پانگ چنکسو پارینے کہ سی پیک نا کمک اٹ پاک چین تعلقداری ءِ پوسکن ءُ جہت اس ملا، میڈیا نا خبر آتا کمک اٹ چین پاکستان تعلقداری ٹی پین کمکاری ءِ مون آ دننگ مریک۔ داخیال آتا درشانی ءِ او پنچ شنبے نادے آ پاک چائنا سی پیک میڈیا فورم آن تران کرسا کرے۔ اوپارے کہ زرگزرانی و اسٹریٹجک تعلقداری تے سوگو کننگ کن رابطہ غاتے ودفنگ انگ ءِ ، سی پیک ڈٹ آتیا 25 ارب ڈالر آن زیات نا زرکاری مس، چینی ناظم الامور پارے کہ زرکاری آن پاکستان نا روڈ انفراسٹرکچر اٹ گچینی بسنے، مسہ ہزار سولر پینلز گوادر اٹی توانائی نا تنکی تا مون  ءِ توننگ کن تننگا، سور دیر ءِ کُننگ نا قابل جوڑ کننگ کن پلانٹ خلنگک۔