حاجی تا حج مبارک آ روانہ مننگ کن جزوی فلائٹ شیڈول اس مرتب کننگانے، وزارت مذہبی امور

اسلام آباد۔ 02 جون (اے پی پی) وزارت مذہبی امور حاجی تے پارینے کہ جزوی فلائٹ شیڈول مرتب کننگانے ہرانا حوال اوفتے بذریعہ ایس ایم ایس ، وزارت نا ویب سائٹ و حاجی کیمپ آن ملک۔ پنچ شنبے نادے آ وزارت نا ترجمان نا رداٹ وزارت مذہبی امور اینخو سال حج انا فرض ءِ ادا کننگ کن منظور مروک حاجی تا حج مبارک آ ہِننگ کن فلائٹ شیڈول اس مرتب کننگانے ہرانا بنا(اینو) پنچ شنبے نا شام اسکان کننگک۔ حاجی تے پاننگانے کہ او تینا تیاری ءِ پورو کیر ، اوفتا فلائٹ نا بابت پورو معلومداری تیان اوفتے معلومدار کننگک وخت اس کہ سرکاری اسکیم نا رداٹ ویٹنگ آ ساڑی حاجی تے پاننگانے کہ اوفتے اگہ بینک آن تینا زرآتا ری فنڈ اٹ دشواری مون تروک مرے تو او وزارت نا اکاؤنٹ آفیسر ریفنڈ تون فون نمبر 051-9208456آ رابطہ کرسا غاو درج کرفر۔