انقرہ۔2جون (اے پی پی): مزن وزیر شہباز شریف ءَ گوشت کہ پاکستان ءَ ڈنی سرمایہ کار آنی دیمروئی حکومت ءِ دیمروئی ءَ ھوار اِنت، حکومت ملک ءَ سرمایہ کاری ءِ کشک ءَ پینگ آناں دور کنگ ءَ انت ءُ روزگار ءِ موہ ءُ صنعت آنی برجائی ءَ را دل یکیمی جوڑ کنگ ءَ انت۔ اے ھیالانی درشانی آئی ءَ سُتاش گروپ ءِ بورڈ ءِ صدر محرم یِلمز ءِ سروکی ءَ گند ءُ نند کنوکیں ڈل ءَ گوں تران کنان ءَ کت۔ مزن وزیر ءَ گوشت کہ حکومت گوستگیں چار سال ءَ سرمایہ کار آنی کشک ءَ استیں پینگ آناں گیش ءُ گیوار ءِ کوشست ءَ کنگ ءَ انت۔ آئی ءَ گوشت کہ حکومت ملک ءَ روزگار ءِ موہ ءُ صنعت آنی برجائی ءَ را دل یکیمی جوڑ کنگ ءَ انت۔ گند ءُ نند ءَ ستاش گروپ ترکی ءِ نیمگ ءَ پاکستان ءَ ڈیری سیکٹر ءَ سرمایہ کاری ءَ جھلانکیں واھگ ءِ درشان کنگ بوت۔ مزن وزیر ءَ سیادی داروکیں پاکستانی کارندہ آناں ستاش گروپ ءَ گوں گیشاں چہ گیش کمک ءِ پنت ءُ شون جاڑی کت۔
