انقرہ۔ 01 جون (اے پی پی) پاکستان و ترکی مفاہمت نا ہفت جتا یات داشت آتیا دستخط کرینو۔ وزیراعظم شہباز شریف و ترک صدر رجب طیب ردوان ہم داوخت آ ساڑی ئسر۔ چارشنبے نادے آ وزیراعظم آفس نا میڈیا ونگ آن جاری بیان نارداٹ ترکی نا پریذیڈینسی آف سٹریٹجی اینڈ بجٹ و پبلک پرائیویٹ پارٹنر شپ اتھارٹی آف پاکستان نا نیام اٹ مفاہمت نا یات داشت آ دستخط کننگا۔ ترک و پاکستان حکومت نا نیام اٹ نالج شیئرنگ پروگرام نا فریم ورک آ دستخط کننگا۔ ترک وزارت ٹرانسپورٹ و انفراسٹرکچر و وزارت مواصلات پاکستان نا نیام اٹ ہائی وے انجینئرنگ نا بابت مفاہمت نا یات داشت آتیا دستخط کننگا۔ ترکی و پاکستان نا نیام اٹ ہڑتوم آ کنڈآتا واپار و زرگزرانی تعلقداری نا مون آ دننگ نا بابت اسیجائی وزارتی بیان بارواٹ مفاہمت نا یات داشت ، ترکی و پاکستان نا وزارت خزانہ نا نیام اٹ فنی کمکاری پروٹوکول نا مفاہمت نا یات داشت ، ترکی نا وزارت خزانہ و وزارت اقتصادی امور پاکستان نا نیام اٹ وام تا بست وبند نا بابت کمکاری پروٹوکول وخت اس کہ اُراتا بشخ آتیٹی کمکاری کن ترکی نا وزارت چاگڑد شاری شونداری و موسمیاتی بدلی و پوسکن آ پاکستان ہاؤسنگ اتھارٹی نا نیام اٹ مفاہمت نا یات داشت آتیا دستخط کننگا۔ پاکستان نا کنڈآن وزیر خارجہ بلاول بھٹو زرداری و وزیر واپار نوید قمر وخت اس کہ ترکی نا کنڈآن وزیر ٹرانسپورٹ معاہدہ غاتیا دستخط کریر۔
