انقرہ۔1جون (اے پی پی): مزن وزیر شہباز شریف ءِ شرپ ءَ چار شمبے ءِ روچ ءَ ترک ایوان ءِ صدر ءَ پر مڈائیں مراگش ءِ برجم دارگ بوت۔ مزن وزیر ترکی ءِ سئے روچی تر ءُ تاب ءَ انت، صدارتی محل ءَ پجگ ءِ پد ءَ ترک صدر رجب طیب اردوان ءَ آئی ءَ را وش اتک کت۔ اے موہ ءِ سر ءَ پاکستنا ءُ ترکی ءِ راجی سوت الہان کنگ بوت انت ءُ مزن وزیر ءَ را گارڈ آف آنر پیش کنگ بوت۔ ترک صدر رجب طیب اردوان ءُ مزن وزیر محمد شہباز شریف ءَ وتی ڈل ءِ باسک آنی پجاروکی کنائینت۔ ایشی ءَ چہ پد دوئیں سروک آنی نیام ءَ صدارتی محل ءَ گند ءُ نند بندات بوت۔
