مزن وزیر محمد شہباز شریف ءَ گوں ترکی ءِ نامداری کمپنی ءِ سروک آنی گوما گند ءُ نند

انقرہ۔1جون  (اے پی پی): مزن  وزیر محمد شہباز شریف  ءَ گوں ترکی ءِ  نامداریں کمپنی ءِ سروک آں  چار شمبے ءِ روچ ءَ  گند ءُ نند کت ءُ  پاکستان ءَ  ڈنی سرمایہ کاری ءِ دیمروئی ءِ واستہ استیں  حکومت ءِ گامگیج آنی سر ءَ  دل یکیمی ءِ  درشان کنان ءَ جتا جتائیں منصوبگ  آنی سر ءَ  جھلانکیں  واھگ ءُ واھشت  ءِ درشان کت۔  مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ  مزن وزیر شہباز شریف  ءَ چہ انقرہ ءَ ترک سرمایہ کار آنی  گوما جتا جتائیں گند ءُ نند  ءَ کت۔  مزن وزیر  ءَ گوں سیاہ  قلم انجینئرنگ  ءِ ڈل ءَ  کمپنی ءِ صدر سنگیز  ءُ  زدمیر  ءِ  سروکی  ءَ گند ءُ نند کت  ءُ مزن وزیر  ءِ سروکی ءَ استیں حکومت ءِ  پاکستان ءَ  ڈنی سرمایہ کار آنی دیمروئی ءِ واستہ گامگیج آنی سر ءَ دل یکیمی ءُ کمپنی ءِ  نیمگ ءَ سولر ، ونڈ، پن  بجلی، ویسٹ میجنمنٹ ءُ ہاوسنگ ءِ منصوبگ  آنی سر ءَ  جھلانکیں   واھشت ءِ درشان کت۔  ترکی ءِنامداریں کمپنی آر چیلک ءِ ڈل ءَ کمپنی ءِ چیف کمرشل آفیسر  سان دنسر ءِ سروکی ءَ گند ءُ نند ءَ پاکستنا ء، حکومت ء، نیمگ ءَ ڈنی سرمایہ کار آناں آسراتی  پجاری کنگ ءِ   ھوالگ ءَ  توسیپ ءُ ستا پیش کت۔ مزن وزیر ءَ زورلوانرجی ترکی ءِ ڈل ءَ سی ای او سینان ا ے ءِ سروکی ءَ گند ءُ نند کت  مزن وزیر ءَ پاکستان ءَ زور لوکی  ھاٹیگ  ءِ شوبگ ءَ   سرمایہ کاری  ءِ واھشت ءِ بابت ءَ  سرپد کت۔  کمپنی ءِ ڈل ءَ مزن وزیر شہباز شریف  ءِ سروکی   ءُ حکومت ءِ کاروبار دوست پالیشی آنی  سر ءَ جھلانکیں  دل یکیمی ءِ درشان کت۔  مزن وزیر  ءَ اے  توامیں  جیڈھ آناں گیوار کنگ ءِ  دل یکیمی دیان ءَ  آئی ءَ را پاکستان ءَ آیگ ءِ دعوت دات۔  مزن وزیر شہباز شریف   ءَ گوں حیات کیمیا کمپنی ءِ وائس پریزیڈنٹ علی زیبک ءِ سروکی ءَ ڈل ءَ ھم گند ءُ نند کت ءُ حیات کیمیا ءِ نیمگ ءَ پاکستان  ءَ سرمایہ کاری   ودینگ ءَ  واھگ ءُ واھشت   آنی ھوالگ ءَ  سرپد کت۔  مزن وزیر ءَ سیادی داروکیں  کارندہ  آناں ملک ءَ سرمایہ کاری ءِ ھوالگ ءَ  توامیں جیڈھ  آنی   گیوار کگن ءِ پنت ءُ شون جاڑی کت۔