مزن  وزیر شہباز شریف ءَ گوں ترک وزیر ءِ تجارت  ءِ گوما گند ءُ نند،  تجارتی  جیڈھ آنی گیواری ءِ واستہ  یکجائی ٹاسک فورس  برجا کنگ ءِ تپاک

انقرہ۔1جون  (اے پی پی):پاکستان  ءُ ترکی ءَ بینکاری، کسٹمز، کشت ءُ کشار ءُ  لاجسٹک ءَ ھوار جتا جتائیں شوبگ  آنی تہ ءَ دو نیمگی تجارت ءِ ھوالگ ءَ   جیڈھ آنی گیواری ءِ واستہ   پراھ ءُ شاھیگانیں  روڈ میپ  تیار کنگ ءِ ھوالگ ءَ یکجائی ٹاسک فورس  جوڑ کنگ ءِ سر ءَ  تپابک کتگ وھدیکہ  مزن وزیر محمد شہباز شریف ءَ پاکستان  ءُ ترکی ءِ نیام ءَ    سامان  تجارت کنگ ءِ  منوگری آناں زوت    سرجم کنگ ءِ   ھوالگ ءَ زور پر دیان ءَ گوشت کہ  ایشی ءَ چہ جتا تجائیں شوبگ آنی تہ ءَ دو نیمگی    تجارت  آناں دیمروئی دیگ ءِ نوکیں موہ پجاری  بیت، کاروباری برات آناں  وتی رابطہ  آناں ودینگ  لوٹ  ائیت  ءُ یکجائی منصوبگ  آنی واستہ نوکیں  موہ پٹ ءُ لوٹ کنگ لوٹ ائیت۔   اے ھیالانی درشانی آئی ءَ  چار شمبے ءِ روچ ءَ ترک وزیر ءِ تجارت  ڈاکٹر  مہمت موش  ءَ گوں  گند ءُ  نند ءِ ساھت ءَ  کت۔  گند ءُ نند ءِ ساھت ءَ  مزن وزیر  ءَ پاکستان   ءُ ترکی ءِ نیام ءَ اقتصادی رابطہ آناں گیش  شاھیگانی  دیگ ءُ کاروبار،   تجارت  ءُ سرمایہ کاری ءِ  گواچنی  ازمکاری آناں کارمرز کنگ ءِ ارزشت  ءِ سر ءَ زور پر دات۔  آئی  ءَ گوشت کہ ترکی ءِ تر ءُ تاب ءِ مول ءُ مراد  تجارتی ءُ سرمایہ کاری رابطہ آناں برجم جوڑ کنگ  ءِ سر ءَ دلگوش دیان ءَ ترکی ءِ کاروباری برات آنی گوما  رابطہ  آناں دیمروئی دیگ انت۔  دو نیمگی تجارت  آناں ودینگ ءِ ضلورت ءِ سر ءَ زور پر دیان ءَ مزن وزیر محمد شہباز شریف ءَ  سامان آنی تجارت ءِ  منوگری آناں   زوت پکوئیں رنگ  دیگ ءِ ارزشت  ءَ را سہرا کت۔  ایشی ءَ چہ جتا جتائیں شوبگ آنی تہ ءَ دو نیمگی تجارت آناں  دیمروئی دیگ ءِ نوکیں موہ پج بنت  تانکہ دوئیں ملک آنی  معیشت  ءَ را سیت  بہ رس ائیت۔  مزن وزیر ءَ گوشت کہ  پاکستان ءُ ترکی ءِ نیام ءَ   رابطہ آناں منصوبگ  ھاسیں  رنگ  ءَ اسلام آباد- تہران- استنبول (آئی ٹی آئی) کار گوٹرین دوئیں ملک آنی تاجر  آناں جوانیں  ءُ  ترندی ءَ گوں   کاروبار کنگ ءِ واستہ گیش موہ  پجاری بیت۔ آئی ءَ اے گپ ءِ سر ءَ زور  پر دات کہ  دوئیں ملک آنی کارباری برات آناں وتی نیٹ ورکنگ ءَ را  ودینگ لوٹ ائیت ءُ  یکجائی  منصوبگ آنی واستہ  نوکیں  موہ پٹ ءُ لوٹ کنگ لوٹ ائیت۔  گند ءُ نند ءَ ترکی   ءِ وزارت  تجارت ءُ پاکستان  ءِ  وزارت   ءِ تجارت ءِ کمک ءَ چہ یک یکجائی ٹاسک فورس  ءِ جوڑ کنگ ءِ سر ءَ تپاک کنگ بوتگ تانکہ لاجسٹکس ، بینکنگ، کسٹمز ءُ کشت ءُ کشار ءَ ھوار  دو نیمگی تجارت ءِ ھوالگ ءَ  جیڈھ آناں کچ ءُ کیل کنگ ءِ واستہ  یک ٹوھیں روڈ میپ  ءِ تیار کنگ بوت کنت۔ ترک وزیر ءِ تجارت  ڈاکٹر مہمت موش ءَ دوئیں ملک آنی نیام ءَ  تجارت  ءِ  گواچنی ازم آنی   سہرائی  ءِ پد ءَ مزن وزیر ءِ   گوما  تپاک کت ءُ اے رد ءَ سرجمیں کمک کنگ ءِ سر ءَ دل یکیمی دات۔