پاک ترک دو نیمگی تجارتی   کساس آیوکیں 3 سال ءَ 5 ارب ڈالر  ءَ تاں برگ ءِ واستہ جزمیگ آں، اے سیم سر ءِ در  جنگ ءِ واستہ ھمک رنگیں آسراتی پجاری کناں، ترک سرمایہ کار  جتا جتائیں شوبگ آنی تہ ءَ سرمایہ کار آنی موہ  ءَ   سیت  چست کت کناں، مزن وزیر ءِ   ڈنر ءِ ساھت ءَ گشتانک

انقرہ ۔1جون  (اے پی پی):مزن وزیر شہباز شریف ءَ ترک سرمایہ کار آناں ھمک رنگیں آسراتی پجاری کنگ ءِ دل یکیمی دیان ءَ  پاکستان ءُ ترکی ءِ کاروباری برات  آنی سر ءَ زور پر داتگ کہ آ  آیوکیں 3 سال ءِ ساھت ءَ دوئیں ملک آنی نیام ءَ تجارتی  کساس   5 ارب ڈالر ءَ تاں برگ ءِ جزمیگ اِنت، دوئیں  ملک آنی نیام ء۔ وت مہ وتی تجارت   ءُ سرمایہ کار ی   ءَ را دیمروئی دیگ ءِ واستہ  توامیں  پینگ آناں دور کنگ  بہ بیت، ترک سرمایہ کار  پاکستان ءَ  آئی ٹی،  ڈیری فارمنگ، ٹیکسٹائل ءُ ھاٹیگ ءَ ھوار ایندگر شوبگ آنی تہ ءَ  سرمایہ کاری ءِ موہ ءَ سیت    چست کت کناں۔  پاکستان  ترک سرمایہ  کار آنی  دومی گس اِنت، ترکی  ءِ دژمن  مئے  دژمن اَنت۔  آئی ءَ اے ھیالانی درشانی  سئے شمبے ءِ  شپ ءَ  یونین آف چیمبر ز اینڈ کموڈٹی    ایکسچینجز آف ترکی (ٹی او بی بی) ءِ صدر  رفعت  حسار چکولو ءِ  نیمگ  ئ۔  وتی شرپ ءَ داتگیں ڈنر ءَ  گوں گشتانک دیان ءَ کت۔  ڈنر  ءَ  مزن وزیر  ءِ ڈل  ءِ باسک ، پاکستان ترکی  بزنس  فورم ءِ  شریکیں مردم ،  پاکستانی   ءُ ترک سرمایہ کار ی بورڈ  ءِ کارندہ ءُ ترکی ءُ پاکستان  ءِ  تاجر  آنی مزنیں کساس ءِ ساڑی ات۔   مزن وزیر شہباز شریف ءَ گوشت کہ اے مراگش  ءَ شرکت   شرپ ءِ  گپ انت  چیا کہ    ادا جتا جتائیں  سرمایہ کار ءُ کاروباری سروک  ساڑی  اتنت  ایش تجارت سرمایہ کاری، صنعت ءُ  کشت ءُ کشار ءِ  شوبگ  ءَ جوانیں کار کرد ءِ  درشان ءَ کنگ ءَ انت۔  آئی ءَ گوشت کہ ترکی ءَ  صدر طیب اردوان  ءِ  بلدکاریں  سروکی ءَ  جوانیں دیمروئی کتگ۔  ترکی ءِ برآمدات 270  ارب ڈالر  ءَ چہ گیش انت، ترکی ءِ ڈیم  ءُ  انفراسٹرکچر ءِ جوڑیشت ءِ ھوالگ ءَ دلگوشی انت۔  آءی ءَ  رودراتکی نیامجی،  زر باری افریقہ  ،  زرباری ایشیا  ءَ ھوار  سرجمیں  دگنیا ءَ  ٹوھیں منصوبگ  سرجم کتگ۔  آئی ءَ گوشت کہ دوئیں ملک آنی نیام ءَ    سد آنی سال ءِ نزیکی ءُ دوستی،  ءُ   یکوئی  انت۔  ترکی  ءِ جنگ  آجوئی ءَ برصغیر ءِ  مسلمان  آں گیشاں چہ گیش  بھر زوری کتگ۔  آئی ءِ ترکی ءِ گوما    دوستی ءُ  یکوئی ءِ  درور  انت۔ ترکی ءَ مدام  ھمک سکیں ساھت ءَ  جنگ، بہ بیت  زمین چنڈ، سیلاپ ءُ ڈکال  بہ بیت ھمک ساھت ءَ پاکستان ءِ کمک کتگ۔    مزن وزیر ءَ گوشت کہ ترک راج اچبر وتی  دوست  آناں  بے ھیال نہ کنت۔  مئے تجارتی کساس دوستی ءُ یکوئی   ءِ سرجمیں ءُ برجمیں  درشان ءَ نہ کنت۔ ترکی ءِ سرمایہ کار پاکستان ءَ جھلانکیں  واھگ  ءُ واھشت  دار انت۔  دوئیں ملک آنی نیام ءَ وت مہ وتی  تجارت ءُ سرمایہ کاری پڑے دیمروئی دیگ ءِ واستہ توامیں  پینگ  آناں دو کنگ بہ بیت  ءُ اے ھوالگ ءَ  گوں ترندی ءَ کار  کنگ ءِ ضلورت  انت۔  آئی ءَ گوشت کہ پاکستان ءُ ترکی ءِ نیام ءَ تجارتی  کساس 1.1  ارب ڈالر  انت  ساپ دلی ءُ  پکوئیں کوشست  ءَ چہ آیوکیں سئے سال ءِ ساھت ءَ 5 ارب ڈالر  ءَ تاں برگ بوت کنت۔  آءی ءَ گوشت کہ پاکستان ترک  سرمایہ کار آنی دومی مستریں گس اِنت ترکی ءِ  دژمن  مئے دژمن اَنت۔  مزن وزیر ءِ تر ءُ تاب ءِ موہ ءَ یونین آف  چیمبرز  اینڈ کموڈی   ایکسچینجز آف ترکی (ٹوب)  ءِ  ماڑی  ءِ ٹاورز   ءِ سر ءَ پاکستان ءُ  ترکی   ءِ  مزن مزنیں   بیرک ٹنگوگ اتنت۔  ٹوب ءِ صدر ءَ مزن وزیر  ءَ را  وتی  ادارگ آنی نیمگ ءَ  ھندی رد ءَ تیار کتگیں الیکٹراک وہیکل ءِ بابت ءَ سرپد کت۔  اے موہ ء، سر ءَ مزن وزیر ءَ مہمان  آنی کتاب ءِ  تہ ءَ  وتی ھیال  ءُ لیکہ  آناں  نویس اِت۔