اسلام آباد۔ 01 جون (اے پی پی) امریکہ ٹی پاکستان نا سفیر سردار مسعود خان تون امریکی نمائندہ خصوصی واپاری و کاروباری امور دلاور سید واشنگٹن اٹی اوڑدہی کرے۔ پاکستانی سفارت خانہ نا کنڈآن جاری بیان نا رداٹ نمائندہ خصوصی دلاورسید واپاری و اقتصادی پالیسی تا پبی آزموندہ تخک و او امریکی انتظامیہ و جہانی کاروبار اٹی نمان عہدہ غاتیا رہینگانے۔ پاکستان نا سفیر مسعود خان دلاور سید ءِ بڑزکو عہدہ غا تقرری آ مبارکبادی ترسا پارے کہ ای ہمو پوسکن آ ٹیکنالوجی و ٹیک سیکٹر نا گرد جہانی اقتصادی ایجنڈا ءِ بدل کننگ اٹ کمک کیوہ۔ داوخت آ امریکی نمائندہ خصوصی دلاور سید پارے کہ ہڑتوم آ ملک آتا نیام اٹ شریداری نا بھلو گمان اس ساڑی ءِ و سلیکون ویلی ٹی پاکستان و امریکہ نا ودوک آ کڑد ہڑتوم آ کنڈآتا واپاری تعلقداری تے ودفنگ اٹ کلیدی کڑد ادا کیک۔ مسعود خان پاکستان اٹی زرکاری نا وارخواہی تا بارواٹ پت ودی کننگ آ امریکی حکومت نا منت واری ءِ ہرفے۔ دلاور سید اوڑدہی ٹی پارے کہ او امریکہ و پاکستان نا نیام اٹ اقتصادی شریداری ءِ سوگو کننگ نا چاری ءِ۔
