مچ آ ملک اٹی بیست ءُ چار گھنٹہ ٹی مثبت کورونا ٹیسٹ انا کچ 0.47 درسد ئسک، این آئی ایچ

اسلام آباد۔ 01 جون (اے پی پی) 24 گھنٹہ ٹی مچ آملک اٹی 14 ہزار 58 کورونا ٹیسٹ کننگانے۔ چارشنبے نادے آ این آئی ایچ نا کنڈآن جاری کروک ٹویٹ اٹی شیئر کروک حساب وکتاب نا رداٹ تدوک آ 24 گھنٹہ ٹی 14 ہزار 58 کورونا ٹیسٹ کننگانے ہرافتیان 66 بندغ آتا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 0.47 درسد ئسک۔ داکان بیدس دا وخت آ کورونا دین آن اسہ ناجوڑ اس ہم دا دین آن زوال کتنے وخت اس کہ 71 ناجوڑ آتا حالیت نازرک ءِ۔