جمیکا۔ 18 اپریل (اے پی پی) ویسٹ انڈیز پریذیڈنٹ الیون و پاکستان نا ٹیم نا نیام اٹ گوازی کروک آ مسہ دے ئی ٹور میچ کٹنگ و باتننگ نافیصلہ آن بیدس چٹا۔ پاکستان نا کنڈآن اولیکو اننگز اٹی احمد شہزاد و سرفراز نصف سنچری جوڑ کرسا نمان مسر۔ داکان مست ویسٹ انڈیز پریذیڈنٹ الیون نا ٹیم پاکستان نابرخلاف مسہ دے ئی ٹورمیچ انا تینا اولیکو اننگز اٹی 419 رنز جوڑ کرسا آﺅٹ مسوسس وشال سنگھ ناقابل شکست 135 رنز جوڑ کرسا نمان مسوسس ہرانا ورندی ٹی پاکستان نا کنڈآن عمدہ بالنگ نا مظاہرہ ئِ کرسا محمد عامر 3، اسد شفیق و یاسر شاہ 2,2 وخت اس کہ حسن علی و محمد اصغر اسہ اسہ وکٹ ہلکوسر، ورندی ٹی پاکستان نا ٹیم میچ انا مسٹ میکو و آخریکو دے احمد شہزاد و سرفراز نانصف سنچری نا سوب 192 رنز جوڑ کرسا آﺅٹ مسوسس، ڈبلیو پی اے نا کنڈآن جیکویز چار گوازی گر ئِ آﺅٹ کرے۔ ورندی ٹی ڈبلیو پی اے نا ٹیم آخریکو دے گوازی نا چٹنگ اسکان 152 رنز جوڑ کرے، پاﺅ ل 84 رنز اتون نمان مس و میچ کٹنگ و باتننگ نافیصلہ نابیدس ہی چٹا۔ پاکستان کن خراب ئُ خبر اس دائس کہ فاسٹ باﺅلر حسن علی گراﺅن انجری نا گواچی مسوسس۔
