اسلام آباد۔ 11 فروری (اے پی پی) سینیٹ اٹی قائد ایوان سینیٹر ڈاکٹرشہزاد وسیم پارینے کہ بھارت اٹی مذہبی خار، جنونیت و انسانی حق انا لتاڑنگ ترندی آٹے، کرناٹک نا طالب علم مزاحمت نا پوسکن آ صدا و مزاحمت کس پوسکن ءُ استعارہ سے، کشمیر و فلسطین اسکان دترنا حق وہینگ ءِ، انسانی حق انا تنظیمک انت اکن ٹس آن مس مفننگ ءُ۔ جمعہ نادے آ بڑزکو ایوان اٹی گپ وتران کرسا اوپارے کہ کرناٹک بھارت اٹ پیش بروک آ واقعہ ودوک آ انتہاپسندی نا شاہدی اسے ، انتہاپسند جنونیک اسہ باحجاب تنیا مسڑ اسے ہراساں کریر ہراخلیس نا جاگہ غا نعرہ تکبیر ءِ توار ءِ خلک، حق ءِ جور انا کمک اٹ توننگ مفک۔ اوپارے کہ ہرانگیاٹی ءُ ہموتنظیمک ہرا حق انا ہیت آتے کیرہ، اینو اوفتا باہ انت اکن گنڈوک ءِ ۔ اوپارے کہ اسلاموفوبیا نا بدترین دروشم ہندوستان اٹ نظر بننگ ءِ۔ وزیراعظم ہندا ویل انا کنڈآ دنیا نا چکار ءِ کرفے۔ اوپارے کہ اسلاموفوبیا جہانی امن کن اسہ بھلو خطرہ اسے، نن تینا قائد محمد علی جناح نا منت وار مرین ہرانا کوشست آتیان ننے آجو ملک اس رسینگانے۔
