پاکستانی دلیریں بامردیں افسر ءُ سپاھیگاں ماتیں گلزمین ءِ دیمپان ءِ وتی سوگند پورہ کتگ، مزن وزیر شہباز شریف ءَ گوشت کہ راج ءَ را وتی شھید ءُ آھانی گس ءِ سر ءَ پھر انت

اسلام آباد۔13مئی (اے پی پی): مزن وزیر محمد شہباز شریف ءَ راستی ءِ جہد ءِ شہیداں یات کنان ءَ گشتگ کہ پاکستانی سلاہ بندیں اُرد ءِ بہادریں افسر ءُ سپاھیگاں ماتیں وطن ءِ رکھینگ ءِ ھاتر ءَ راج ءَ گوں داتگیں وعدہ ءِ سر ءَ سرجم کتگ ۔ کلیں راج وتی شہید ءُ آہانی کہول ءِ سرا پھر انت ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ راج وتی بہادریں زھگ آنی قربانی آناں کدی شموشکار نہ بیت۔ مزن وزیر ءَ وطن ءِ رکھینگ ءِ وھد ءَ پاک فضائیہ ءِ 5 افسر ءُ سپاھیگ ءُ پاک اُرد ءِ 6 افسر ءُ سپاھیگ آنی شھید کنگ ءَ را شگر ءُ منت درشان کتگ۔ مزن وزیر ءَ گوشت کہ ما نا ایوک ءَ ملک ئِ سرجمی ءَ دیمپان کُت بلکینگ ءَ پاکستان ئِ امن ءُ وت واجہی ءَ را ھچ وڑیں ھوپ ئِ موہ نہ دات۔ مزن وزیر ءَ گوشت کہ سرجمیں راج ءَ منی ھواری ءَ سرجمیں راج ءَ مئے شہید ءُ آھانی گس ئِ سر ءَ پھر اِنت۔ راج وتی بہادریں زھگانی قربانی ءَ ھچبر شموشکار نہ بیت۔ بھارتی زوراکی ءِ آسر ءَ 15نابالغ ءُ 7 زالبول ءَ ھوار 40 بے گناھیں مردم آنی شھید بوھگ ءِ سر ءَ گہتری ءِ درشان کنان ءَ مزن وزیر ءَ گوشت کہ ما ملک ءِ شھید آناں شموشکار نہ بئیں ءُ آھانی کھول ءَ ھم ایوک ءَ یلہ نہ کن ایں ۔ مزن وزیر ءَ گوشت کہ شھیدی ءِ جار جنگ بوتگ، ءُ ریاست شھید آنی کھول آنی کمک ءِ زمہ واری ءَ سرجمی ءَ پیلو کنت۔ مزن وزیر ءَ شہید آنی پڑ برز کنگ ءُ آہانی کھول ءِ صبر ءُ جوابی ءِ واستہ دعا کت۔ آئی ءَ گوشت کہ آپریشن ”بناپان مرسوس“ ءَ چہ بھارت ءَ را لائکیں پسو دیگ بیت ءُ اے گپ پدر کنگ بیت کہ آ دمگ ءِ ایندگر ملک آنی ایمنی ءُ حاکمیت ءِ احترام ءَ بہ کنت۔ پاکستانی لشکراں وتی حقانی جنگ ءَ ہندوستان ءِ عددی برتری ءِ رضامند ءُ تکبر ءِ سرا ٹکر ٹکر کت۔ مزن وزیر ءَ انصاف ءِ جنگ ءَ ٹپیگیں مردمانی زوت جان سلامتی ءِ دعا کت۔ آئی ءَ گْوشتگ کہ ما یک امن ءُ ایمنی ءِ راجے بلے ما زانیں کہ ھرچ وڑیں زوراکی ءِ پسو ءَ چوں بہ دئیں ءُ آپریشن “بنیان مرسوس” ایشی ءِ پدّریں ثبوت اِنت۔