اسلام آباد۔ 11 فروری (اے پی پی) وزیرخارجہ مخدوم شاہ محمود قریشی تون سعودی عرب کن پاکستان نا پندار سفیر امیر خرم راٹھور جمعہ نادے آ وزارت خارجہ ٹی اوڑدہی کرے۔ وزیرخارجہ سعودی عرب اٹی بطور سفیر پنداری آ امیر خرم راٹھور ءِ مبارکبادی تس و پارے کہ پاکستان و سعودی عرب نا نیام اٹ ہڑتوم آ کنڈآتا برادرانہ تعلقداری ءِ۔ ہڑتوم آ ملک آک ہروخت اٹ اسہ ایلو تون پبی تفینو۔ شاہ محمود قریشی پارے کہ ننا حکومت اقتصادی اولیت آتیا چکار کرینے، نی کون آ گچین آ سفارت کار نا وڑاٹ سفیر تقرری آن پاکستان و سعودی عرب نا نیام اٹ ہڑتوم آ کنڈآتا تعلقداری پین سوگو مریک۔ وزیرخارجہ پارے کہ ننا سفیر آتے اقتصادی سفارت کاری ءِ کاریم اٹ اتسا پاکستان نا زرگزرانی سوگوی کن تینا کڑد ءِ ادا کروئی مریک، پیشن نا ملک رہینگوک آ پاکستانی تا راجی آسراتی ننا حکومت نا اولیت آتیٹی اوار ءِ۔ اوپارے کہ سعودی عرب اٹی پاکستانی نا بھلو کچ اس رہینگ انگ ءِ ہرا تینا خواری نا کٹیاتے پاکستان آ گدریفسا ملک انا زرگزرانی سوگوی کن تینا کڑد ءِ ادا کننگ ءُ۔ سعودی عرب کن پاکستان نا پندار سفیر امیر خرم راٹھور وزیرخارجہ نا منت واری ءِ ہرفسا اونا پارت آتیا پورو عملدرآمد نا باور کرفے۔
