اسلام آباد۔ 14اپریل (اے پی پی) ایوان بالا ئِ پاننگانے کہ سول ایوی ایشن اتھارٹی علامہ اقبال انٹرنیشنل ایئر پورٹ نا پیسنجر ٹرمینل بلڈنگ نا ودیکی نا ڈٹ بندی کرینے۔ جمعہ نا دے وقفہ سوج آتیٹی وزیر انچارج ایوی ایشن ڈویژن شیخ آفتاب احمد سینیٹر شبلی فراز نا سوج انا ورندی ٹی پارے کہ ٹرمینل بلڈنگ اٹی ودیکی آ 43 ارب روپئی آن زیات خڑچ بریک ، سول ایوی ایشن بورڈ دٹ انا پی سی ون نا منظوری ئِ تسنے۔ سی اے اے ئِ تینا وسیلہ غاتون ڈٹ آتا منظوری نا اختیار دوئی ئِ۔ دا چرجوئی ٹی ایکنک نا منظوری درکار مفک۔ سینیٹر کامل علی آغا نا سوج انا ورندی ٹی ایوان بالا ئِ پاننگا کہ ایئر پورٹ سروسز آﺅٹ سورسز کننگ نا سلاہ غا سجفنگ انگ ئِ وخت اس کہ ایئر نیوی گیشن سروسز نا فراوانی پاکستان سول ایوی ایشن اتھارٹی نا کنڈآن مریک۔ جہاز ایئر پورٹ آن بال کیک یا دڑنگک تو دا معاملہ غاک ایئر نیوی گیشن سروسز نابست و بند اٹی مریرہ وخت اس کہ ایئر پورٹ آ سلوک جہاز ایئر پورٹ سروس نا زمرہ ٹی بریک ۔ کسٹم، امیگریشن ، سیکورٹی ، ہیلتھ ، موسمیات ، پلانٹ و اینیمل کوارنٹین سی این ایس /اے ٹی ایم سروسز و ایلو معاملہ غاتے آﺅٹ سورس کننگک۔ میسرز رائل ایئر پورٹ سروسز پرائیویٹ لمیٹڈ ئِ سول ایوی ایشن اتھارٹی نا زمواری تے گدریفنگ نا ہچ ئُ صلاہ اس زیر غور یا رسینگ تنے۔ سینیٹر اعظم سواتی نا اسہ سوج اسے نا ورندی ٹی پاننگاکہ پی آئی اے ٹی کل آخبتی ملازم آتا کچ 14317 ئِ۔ پی آئی اے نا بیڑہ ٹی کل 35 جہاز ئُ وخت اس کہ پی آئی اے سی ایل کن پوسکن ئُ جہاز ہلنگ نا ہچ ئُ سلاہ اس سجفنگ اٹی اف۔ سینیٹر روزی خان کاکڑ نا سوج انا ورندی ٹی پاننگا کہ گدرینگوک آ پنچ سال اٹی پی آئی اے ہچ ئُ پوسکن ئُ جہاز اس ہلتنے، داٹی 19 جہاز ڈرائی لیز و پنچ جہاز ویٹ لیز آ ہلنگانو۔
