اسلام آباد۔ 14اپریل (اے پی پی) بنجائی وزیر انسانی حق سینیٹر کامران مائیکل پارینے کہ ساڑی حکومت اقلیت آتا حق آن نئے بیرہ معلومدار ئِ بلکن غٹ اقلیتی برادری تا حق انا رسینگ ئِ پین آسان جوڑ کننگ کن پوسکن آ دور انا گرج انا رداٹ درکار کانود سازی ہم کننگ ئِ۔ جمعہ نا دے اسہ بیان اسے ٹی بنجائی وزیر پارے کہ حکومت پاکستان غٹ اقلیتی برادری خاص کر نیاڑی و چنا تا بنداوی حق انا فراوانی کن پدریسہ کوشست کننگ ئِ۔ دا چرجوئی ٹی انسانی حق انا بروخت فراوانی کن ضلعی کہول آ جتا کمیٹی ہم جوڑ کننگانے۔ اوپارے کہ نن چائلڈ لیبر و جبری برام نا توننگ کن ہم کانود سازی کننگ والااُن۔ اوپارے کہ اقلیت آتا فائدہ و روا حق انا رکھ ئِ کننگ آئینی ئُ زمواری اسے و چناو لمہ، خاہوت و برام نا رکھ ہم ہندا زمواری ٹی اوارئِ۔ اوپارے کہ ہندوتا برام نا رجسٹریشن ئِ ریگولیٹ کننگ نا ہچ ئُ کانود اس ہلوکہ۔ ساڑی آ حکومت ہندوتا برام ئِ ریگولیٹ کننگ کن تاریخی ہندومیرج بل اس منظور کرے۔
