اسلام آباد۔ 10 دسمبر (اے پی پی) سپریم کورٹ اسامہ ستی نا خون اٹی اوار دوبہ دار مدثر مختار نا ضمانت ءِ منسوخی کن دائر درخواست آ سماعت ءِ غیر معینہ مد اسکان پد بٹے۔ عدالت عظمیٰ دوبہ دار مدثر مختار ءِ نوٹس جاری کرسا بروک آ سماعت آ بٹنگا۔ سپریم کورٹ دہشت گردی نا دفعہ غاتے چٹفنگ کن اسامہ ستی خون کیس انا دوبہ دار نا درخواست آ فریق آتے ہم نوٹس جاری کرے۔ جمعہ نادے آ جسٹس سردار طارق مسعود نا کماشی ٹی مسہ باسکی بنچ اسامہ ستی نا خون اٹ اوار دوبہ دار مدثر مختار نا ضمانت ءِ منسوخی نا برخلاف دائر درخواست آ سماعت کرے۔ سماعت اٹی کسفنگوک آ اسامہ ستی نا باوہ نا وکیل دلیل ترسا موقف تینا کرے کہ اسلام آباد ہائیکورٹ راستکی تیان چپ دوبہ دار مدثر مختار ءِ ضمانت تس، ہراتم دوبہ دار مدثر مختار ءِ ضمانت تننگا ہموتم دہشت گردی نا دفعہ خلنگتویسس، عینی شاہد فہیم قریشی نا رداٹ پنچ آن شش بندغ مقتول اسامہ نا گاڈی ءِ تورسا سم کاری کریر، دوبہ دار مدثر مختار نا درستی راستی پریڈ ہی کننگتو، دوبہ دار مدثر مختار تینٹ امنا کرے کہ او اسہ فائراس کرے۔ داٹی جسٹس سردار طارق ریمارکس تس کہ بظاہر تلخ کلامی آ اسہ چناسے سم کاری کرسا کسفنگا، دوبہ دار ءِ بٹنگسا کیس ءِ پین بننہ۔ عدالت عظمیٰ باندات آ سماعت ءِ غیرمعینہ مد اسکان بد بٹسا دوبہ دار مدثر مختار ءِ نوٹس جاری کرسا بروک آ سماعت آ بٹنگا۔ سپریم کورٹ دہشت گردی نا دفعہ غاتے چٹفنگ کن اسامہ ستی خون کیس انا دوبہ دار آتا درخواست آ فریق آتے ہم نوٹس جاری کرے۔
