اسلام آباد۔ 10 دسمبر (اے پی پی) بنجائی وزیر نیشنل فوڈ سیکورٹی اینڈ ریسرچ سید فخر امام پارینے کہ نیشنل ایگریکلچر ایمرجنسی پروگرام نا ٹائم لائن تے ہر حال اٹ پورو کننگے، خولم نا دسنگ ءِ وخت آ پورو کننگ المی ءِ، تانکہ ننتون ودکی خولم دوئی مرے، پنجاب حکومت بزغرآتے ریلیف تس ہرانا ستاءِ کینہ۔ داخیال آتا درشانی ءِ او جمعہ نادے آ وزارت نیشنل فوڈ سیکورٹی اینڈ ریسرچ اٹ اڈ ہلوک دیوان نا کماشی ءِ کرسا کرے۔ داوخت آ چیف سیکرٹری پنجاب، سیکرٹری نیشنل فوڈ سیکورٹی، سیکرٹری ایگریکلچر، سیکرٹری فوڈ، اسپیشل سیکرٹری ایگریکلچر، ایم ڈی سیڈ کارپوریشن، چیئرمین پی آئی ٹی بی ئسک ہم بشخ ہلکر۔ چیف سیکرٹری پنجاب و سیکرٹری کشت وکشار کشاری بشخ انا گچینی کن کروک آ گام گیج آتا بابت حوال تسر۔ بنجائی وزیر سید فخر امام دیوان آن تران کرسا پارے کہ ننے فرٹیلائزر نا دوئی ءِ پک کروئی ءِ، حکومتی گام گیج آتے پین سوگوی تننگ نا گرج ءِ۔ اوپارے کہ خولم نا دسنگ ءِ وخت آ پورو کرفنگ المی ءِ تانکہ ملک اٹ سرپلس خولم ساڑی مرے۔ اوپارے کہ پی ایم پیکج آتے اولیت ترسا اوفتے وخت آ پورو کینہ، ایگریکلچر ٹرانسفر میشن ڈٹ انا سرسہبی آن بزغرآتے شونداری نا وارخواہی ملک۔ اوپارے کہ نیشنل ایگریکلچر ایمرجنسی پروگرام نا ٹائم لائن ءِ ہرحال اٹ پورو کننگے۔ بنجائی وزیر باور کرفے کہ بنجائی حکومت پنجاب ءِ ہروڑنا کمک تننگ کن تیار ءِ، پنجاب حکومت نا بزغرآتے ریلیف فراوان کننگ نا غٹ کوشست آتا ستاءِ کیوہ۔
