چکوال۔ 25جون (اے پی پی) خصوصی کمکار وزیراعظم پاکستان ڈاکٹر ثانیہ نشتر نا تلہ گنگ آ بننگ آ غٹ آن مست میونسپل کمیٹی ہال اٹی احساس پروگرام نا رداٹ حقدار زالبول کاؤنٹر نا معائنہ ءِ کرے ہراڑے اسسٹنٹ کمشنر تلہ گنگ حافظ محمد عمران کھوکھر، احساس پروگرام تلہ گنگ نا انچارج و چیف آفیسر میونسپل کمیٹی محمد طاہر فاروق اودے سرجم حوال تسر۔ اواحساس تعلیمی وظیفہ کن حقدار اُراتا چناتا درج انا جاچ ءِ ہلک۔ اوداوخت آ میڈیا تون گپ وتران کرساپارے کہ احساس پرائمری تعلیمی وظیفہ ٹی چناتے کن یک و نیم و مسن تیکن اِراہزار فی سہ ماہی جتا ءِ، احساس تعلیمی وظیفہ نا دنگ ءِ ثانوی و بڑزکو ثانوی تعلیم اسکان ودفنگ انگ ءِ، احساس تعلیمی وظیفہ کن ملک گیر آگاہی و درج مہم بناکرینے۔ پرائمری تعلیم نا پوروی آ حقدار مسن تے احساس گریجویشن وظیفہ ہم برجامریک۔ ڈاکٹر ثانیہ نشتر گورنمنٹ بوائز ہائی اسکول اکوال نا ہیڈماسٹر مبشرحسین و استاد آتا نظم و نسق انا ستاءِ کرے۔

متعلقہ مضامینمصنف کی طرف سے مزید