اسلام آباد۔ 25جون (اے پی پی) صدر مملکت ڈاکٹر عارف علوی سبی، بلوچستان اٹی ایف سی نا پٹرولنگ پارٹی آ دہشت گرد آتا جلہونا مذمت ءِ کرسا پارینے کہ پاکستانی قوم دہشت گردی نا برخلاف جنگ اٹ سیکورٹی فورس آتون تفوک ءُ۔ جمعہ نادے آ داڑے ایوان صدر آن جاری اسہ بیان اسے ٹی صدر مملکت پارے کہ پاکستانی قوم و سیکورٹی فورس آک دہشت گردی نا برخلاف جنگ اٹ بھلو قربانی تسنو، قوم انا خاطر جان تے ندر کروک آ ورناتے یات تخنگک۔ صدر مملکت شہید آتا درجہ غاتا بڑزی و خاہوت کن صبر وجمیل نا دعاکرے۔
