وزیر خزانہ ءِ مشیر خرم شہزاد ءَ پاکستان ءِ اقتصادی بحالی، اصلاحات ءُ دیمروئی ءِ نوکیں پڑ ءِ سر ءَ دل یکیمی ءِ درشان

کراچی۔31جولائی  (اے پی پی): وزیر ءِ ھزانگ ءِ مشیر خرم شہزاد ءَ گوشت کہ پاکستان ءَ اقتصادی جمود ءِ پڑ ءَ چہ سوبمندیں رنگ ءَ دیم ءَ شتگ ءُ پائیدار، نجی شعبہ ءِ سروکی ءَ دیمروئی ءِ نیمگ ءَ سفر ءِ بندات کتگ، اے سفر ءِ بندات کتگ، اے سفر ءِ تہ ءَ ڈھانچہ ءِ اصلاحات، اقتصادی بنیاتی اعتماد ءِ تہ ءَ گیشی ءُ سرمایہ کار آنی تہ ءَ گیشی ءِ سبب ءَ ممکن بوتگ۔ آئی ءَ اے ھیالانی درشانی جمعہ ءِ روچ ءَ کراچی ءَ بینک اسلامی ءِ نیمگ ءَ برجم داشتگیں ’’پاکستان اقتصادی آؤٹ لک: مالی سال 2027 ءُ ایشی ءَ چہ پد‘‘ سیمینار ءَ گوں تران کنان ءَ کت۔ خرم شہزاد ءَ گوشت کہ گوستگیں دو سئے سال آنی تہ ءَ پاکستان ءِ معیشت ءَ مزنیں گہتری اتکگ، اقتصادی برجائی بحال بوتگ ءُ نوں حکومت ءِ دلگوشی سرمایہ کاری ءُ برآمدات ءِ بنیات ءَ برجمیں اقتصادی دیمروئی ءِ سر ءَ انت۔ آئی ءَ گوشت کہ ریئل جی ڈی پی ءِ گیشی ءِ شرح 3.7درسد ءَ سر بوتگ ایشی ءِ تہ ءَ کشت ءُ کشاری، مزنیں صنعت (ایل ایس ایم) ءُ سروسز سیکٹر ءِ گہتریں کارکردگی ءَ مزنیں کرد پیلو کتگ۔ آئی ءَ گوشت کہ حکومت ءِ موثر مالیاتی حکمت عملی ءِ آسر ءَ مالی سال ءِ اولی 9ماہ آنی تہ ءَ مالیاتی خسارہ جی ڈی پی ءِ یک درسد ءَ چہ کم دارگ بوتگ وھدیکہ قرضہ ءِ تہ ءَ جی ڈی پی ءِ تناسب 75درسد ءَ چہ 68درسد ءَ کم بوتگ کہ ایشی ءَ چہ مالیاتی نظم و ضبط ءُ احتیاط ءِ ثبوت اِنت۔ خرم شہزاد ءَ گوشت کہ پاکستان ءِ دری شوبگ ءَ ھم باز گہتری اتکگ۔ آئی ءَ گوشت کہ کرنٹ اکاؤنٹ ءِ خسارہ 2022ءَ 17.5ارب ڈالر ءَ چہ 150ارب ڈالر ءَ چہ کم بوتگ، وھدیکہ اسٹیٹ بینک ءِ زرّ ءِ ذخیرہ 2023ءِ بندات ءَ چہ 3ارب ڈالر ءَ چہ 18ارب ڈالر ءَ سر بوتگ، اے درآمدات ءِ سئے ماہ ءَ چہ گیش ءِ استحکام ءِ واستہ کافی اِنت۔ آئی ءَ گوشت کہ اقتصادی استحکام ءُ سرمایہ کار آنی بھروسہ ءِ تہ ءَ گیشی ءِ جوانیں اثر پاکستان ءِ سرمایہ کاری مارکیٹ ءَ ھم گندگ بوھگ ءَ انت، اودا کارپوریٹ ادارگ آنی نیمگ ءَ بنداتی پبلک آفرنگ (آئی پی او) ءِ کساس گیش بوھگ ءَ انت، سرمایہ کار آنی واستہ نوکیں موہ پیداک کنگ ءَ انت۔ وزیر خزانہ ءِ مشیر ءَ گوشت کہ حکومت ءِ ایکسیس ٹو فنانس ءِ گامگیج آنی وسیلگ ءَ مالیاتی شمولیت ءَ را دیمروئی دیگ بوھگ ءَ اِنت، ایشی ءَ چہ ملکی صارف، کشت ءُ کشاری ءُ کاروباری مردم آناں آسراتی دیگ بوھگ ءَ اِنت ءُ نجی شوبگ ءِ سروکی ءَ اقتصادی دیمروئی ءَ را مھکم کنگ بوھگ ءَ اِنت۔ آئی ءَ گوشت کہ حکومت نجکاری، توانائی، سرکاری وام ءِ بندوبست، ٹیکس سسٹم ءِ سر ءَ دلگوشی دیگ ءَ اِنت، اے ٹیرف اصلاحات، ڈیجیٹل پاکستان ءُ مالیاتی آسراتی آنی تہ ءَ رسائی ءَ ھوار جتا جتائیں شوبگ آنی تہ ءَ سرجمیں اصلاحات آنی سر ءَ عمل کنگ ءَ اِنت۔ آئی ءِ رد ءَ انوگ ءَ تاں 28نجکاری منصوبگ آنی سر ءَ عمل درآمد بندات کنگ بوتگ ایشی ءِ تہ ءَ پاکستان انٹرنیشنل ایئر لائنز ءِ یک ارب ڈالر ءِ سوبمندیں بولی ھم ھوار اِنت وھدیکہ بجلی ءِ بھر ءُ بانگ ءِ کمپنی آنی نجکاری ءِ عمل ھم دیم ءَ روگ ءَ اِنت۔ خرم شہزاد ءَ گوشت کہ اے اصلاحات آنی بنداتی آسر دلبڈی ءِ گپ اَنت، ایشی ءِ تہ ءَ مزنیں کساس ءَ صنعتی پیداوار ءِ تہ ءَ گہتری، صنعتی شوبگ ءِ زندگ بوھگ، نجی شوبگ ءُ کشت ءُ کشاری کریڈٹ ءِ تہ ءَ گیشی، کارپوریٹ کاروائی آنی تہ ءَ تیزی ءُ کاروباری اعتماد ءِ تہ ءَ مزنیں گہتری ھوار اَنت۔ ایشی ءَ چہ پیسر سیمینار ءَ اسٹیٹ بینک آف پاکستان ءِ ڈپٹی گورنر محمد امین خان لودھی، علی خزر، ڈاکٹر علی حسنین ءُ خرم حسین ءَ ھم گشتانک دات۔ سیمینار ءَ سینئر بینکر، سرمایہ کار، مالیاتی شوبگ ءِ ماہرین، کاروباری براتی ءِ نمائندگ ءُ جتا جتائیں اقتصادی ادارگ آنی باسک آنی بھر زوری بوتگ۔